વાંકાનેરના મહીકા ગામે વાડીની ઓરડીમાં જુગાર રમતા છ શખ્સો ૧.૦૪ લાખની રોકડ સાથે પકડાયા
Morbi Today
મોરબીમાં માળીયા ફાટક પાસેથી ૩૦૦ લિટર દારૂ ભરેલ છકડા સાથે એક પકડાયો: પાંચની શોધખોળ
SHARE
JOIN OUR GROUP
મોરબીમાં માળીયા ફાટક પાસેથી ૩૦૦ લિટર દારૂ ભરેલ છકડા સાથે એક પકડાયો: પાંચની શોધખોળ
મોરબીમાં માળીયા ફાટક પાસે પસાર થતી છકડો રિક્ષાને રોકીને પોલીસે તેની તલાશી લેતા તે રિક્ષામાથી ૩૦૦ લિટર દેશી દારૂ મળી આવ્યો હતો જેથી કરીને પોલીસે દારૂ અને રિક્ષા સહિત ૫૮૦૦૦ ના મુદામાલ સાથે એક શખ્સની ધરપકડ કરેલ છે અને તેની પાસેથી માલ મોકલાવનાર અને મંગાવનારા સહિત વધુ પાંચ આરોપીના નામ મળ્યા છે જેથી તેને પકડવા માટે પોલીસે તજવીજ શરૂ કરી છે
મોરબી સીટી બી ડીવીઝ્ન પોલીસ સ્ટેશનના પીએસઆઈ એલ.એન.વાઢીયા તથા જે.એમ.જાડેજા, મેહુલભાઇ મઢવી, અજયસિંહ રાણા તથા દશરથસિંહ મસાણી વિસ્તારમાં પેટ્રોલીંગમાં હતા ત્યારે મેહુલભાઇ મઢવીને ચોકકસ બાતમી મળી હતી જેના આધારે માળીયા ફાટક પાસે પસાર થતી હકિકત વાળી છકડો રીક્ષા નં-જીજે-૧૩-વી-૪૧૯૪ વાળાની રોકીને તેની તલાસી લેવામાં આવી હતી ત્યારે રિક્ષામાથી ૩૦૦ લીટર દેશી દારૂનો જથ્થો મળી આવ્યો હતો જેથી કરીને રીક્ષા ચાલક ગોપાલભાઇ મનસુખભાઇ માંડલીયા જાતે દેવીપુજક (ઉ-૧૯) રહે. ઢેઢુકી તાલુકો સાયલા વાળાને દારૂના જથ્થા સાથે પકડી લેવામાં આવ્યો હતો અને પોલીસે ૬૦૦૦નો દારૂ તેમજ ૨૦૦૦ નો મોબાઈલ અને ૫૦૦૦૦ ની છકડો રીક્ષા મળીને કુલ ૫૮૦૦૦ નો મુદામાલ કબ્જે કર્યો હતો
હાલમાં જે આરોપીને પકડવામાં આવેલ છે તેની પાસેથી કાળુભાઇ દિપોભાઇ માંડલીયા રહે. ઢેઢુકી, મોહિતભાઇ ઘનશ્યામભાઇ કોળી રહે. ઢેઢુકી, દેવકુભાઇ દિપોભાઇ માંડલીયા રહે. ઢેઢુકી, દારૂનો જથ્થો મોકલનાર જીજ્ઞેશભાઇ ઉર્ફે ડાકુ કાળુભાઇ કોળી રહે. ઢેઢુકી ગામ તથા દેશી દારૂ મંગાવનાર અનવરભાઇ હાજીભાઇ માલાણી રહે. મોરબી-ર કાંતીનગર વાળાના નામ સામે આવ્યા છે જેથી કરીને પોલીસે તેઓની સામે પણ ગુનો નોંધીને આ આરોપીઓને પણ પકડવા માટે તજવીજ શરૂ કરેલ છે
