મોરબીના બેલા પાસે વાડી વિસ્તારમાં ઝેરી જનાવર કરડી જતાં બાળકી સારવારમાં

મોરબીના જેતપર રોડ ઉપર આવેલ બેલા ગામની સીમમાં વાડી વિસ્તારમાં બાળકીને ઝેરી જનાવર કરડી ગયું હતું જેથી તેને સારવાર માટે મોરબીની હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની મોરબી તાલુકા પોલીસને જાણ કરવામાં આવી હતી જેથી પોલીસે બનાવની નોંધ કરી આગળની કાર્યવાહી હાથ ધરી હતી

મોરબીના જેતપુર રોડ ઉપર આવેલ બેલા ગામની સીમમાં વાડીએ રહીને મજૂરી કામ કરતાં પરિવારની હસીનાબેન અમરસીભાઈ બાંભણીયા (૧૦)  નામની બાળકીને વાડી વિસ્તારમાં હતી ત્યારે કોઈ ઝેરી જનાવર કરડી ગયું હતું જેથી તેને ઝેરી અસર થતાં તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યારે ત્યાં તે બાળકીને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી

 કોઈ પ્રવાહી પી જતાં સારવારમાં

માળીયા તાલુકાના તરઘડી ગામે રહેતા શાંતાબેન હીરાભાઈ પરમાર નામના મહિલા કોઈ કારણોસર પોતાના ઘરે હતા ત્યારે કોઈ પ્રવાહી પી ગઈ હતી જેથી કરીને તેને બેભાન હાલતમાં સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની પ્રથમ મોરબી એ ડિવિઝન પોલીસને જાણ કરવામાં આવી હતી ત્યાર બાદ માળીયા તાલુકા પોલીસ સ્ટેશનની હદનો બનાવ હોવાથી ત્યાં બનાવની જાણ કરવા માટેની કવાયત કરવામાં આવી છે

વીજ શોક લાગ્યો

મોરબીના સનાળા રોડ ઉપર આવેલ ગુજરાત હાઉસિંગ બોર્ડમાં રહેતા ભાવનાબેન ચુનીલાલ પારેખ (૪૦) નામના મહિલા મોરબીના રવાપર રોડ ઉપર આવેલ ચકિયા હનુમાન મંદિર પાસે હતા ત્યાં તેને ઈલેક્ટ્રીક શોટ લાગ્યો હતો જેથી કરીને તે મહિલાને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તે મહિલાને સારવાર આપ્યા બાદ આ બનાવની હોસ્પિટલ મારફતે મોરબી સીટી એ ડિવિઝન પોલીસ જાણ કરવામાં આવતા પોલીસે નોંધ કરી આગળની કાર્યવાહી હાથ ધરી છે