મોરબીના બેલા નજીક કારખાનામાં રિવર્સમાં આવેલ કારના ચાલકે હડફેટે લેતા દોઢ વર્ષની બાળકીનું મોત

મોરબી તાલુકાના બેલા ગામ પાસે બહુચર કાંટા પાછળ આવેલ કર્મ મિનરલ નામના કારખાનામાં કાર રિવર્સમાં લેતા સમયે દોઢ વર્ષની બાળકીને હડફેટે લીધી હતી જેથી તેને ગંભીર ઈજા થવાથી બાળકીનું મોત નીપજયું હતું જે બનાવમાં મૃતક બાળકીના પિતાએ કાર ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડી આગળની રાબેતા મુજબની કાર્યવાહી હાથ ધરેલ છે

બનાવની જાણવા મળતી માહિતી મુજબ મૂળ એમપીના રહેવાસી અને હાલમાં મોરબીના જેતપર રોડ ઉપર આવેલ બેલા ગામ પાસે બહુચર કાંટાની પાછળ કર્મ મિનરલ નામના કારખાનામાં રહેતા અને ત્યાં મજૂરી કામ કરતા પ્રકાશભાઈ ચૌહાણ જાતે ભીલ (૨૦) એ કાર નંબર જીજે ૩૬ એફ ૩૩૧૦ ના ચાલક યતીનભાઈ કાંતિલાલ ઉઘરેજાની સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, કારખાનામાં તેની દોઢ વર્ષની દીકરી જ્યોતિબેન રમી રહી હતી ત્યારે કાર ચાલકે બેફિકરાયથી પોતાની કાર રિવર્સમાં લીધી હતી અને ફરિયાદીની દીકરી જ્યોતિબેનને હડફેટે લીધી હતી જેથી તેને ગંભીર ઇજા થતાં દોઢ વર્ષની બાળકીનું મોત નીપજ્યું હતું અને ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને ત્યાંથી આ બનાવની મોરબી તાલુકા પોલીસને જાણ કરવામાં આવી હતી જેથી પોલીસે બાળકીના અકસ્માત મૃત્યુના બનાવમાં હાલમાં બાળકીના પિતાની ફરિયાદ લઈને કાર ચાલક યતિનભાઈ કાંતિલાલ ઉઘરેજા જાતે પટેલ (૨૩) રહે. બેલા તાલુકો મોરબી વાળાની ધરપકડ કરી આગળની રાબેતા મુજબની કાર્યવાહી હાથ ધરેલ છે