મોરબીમાં પરણિત પ્રેમીને પત્ની સાથે છૂટાછેડા લઇને લગ્ન કવાનું કહેતા પ્રેમીકાને ઢીબી નાંખનાર પકડાયો
Morbi Today
મોરબીમાં પાંચ વર્ષ અગાઉ બાઇક ચોરી કરનારનો પુનાની જેલમાંથી કબ્જો લેવાયો
SHARE
JOIN OUR GROUP
મોરબીમાં પાંચ વર્ષ અગાઉ બાઇક ચોરી કરનારનો પુનાની જેલમાંથી કબ્જો લેવાયો
મોરબીના સામાકાંઠા વિસ્તારમાંથી વર્ષ ૨૦૧૮ માં બાઈક ચોરી થઈ હતી અને તે બનાવમાં આરોપી નાસ્તો ફરતો હતો દરમિયાનમાં પોલીસને મળેલી માહિતીના આધારે પુનાની જેલમાંથી બાઈક ચોરીના ગુનામાં સંડોવાયેલા આરોપીનો કબ્જો લેવામાં આવ્યો હોવાનું જાણવામાં મળેલ છે.આ અંગે મોરબી સીટી બી ડિવિઝન પોલીસ મથકના લાલભા ચાવડા પાસેથી મળતી માહિતી પ્રમાણે મોરબીના સામાકાંઠે વેજીટેબલ રોડ ઉપરથી વર્ષ ૨૦૧૮ માં બાઇક ચોરી થઈ હતી અને તે બાઇક ચોરીમાં આરોપી છેલ્લા પાંચ વર્ષથી ફરાર હતો.દરમિયાનમાં મળેલ માહિતીના આધારે પુનાની જેલમાંથી વર્ષ ૨૦૧૮ માં મોરબીમાંથી થયેલ બાઈક ચોરીના ગુનામાં ફરાર આરોપી કલ્લુ મુકુંદભાઈ દેવકા જાતે ભીલ (૨૩) રહે.અનીયામળા તાલુકો કુકસી જીલ્લો ધાર મધ્યપ્રદેશ વાળાનો ટ્રાન્સફર વોરંટ આધારે કબ્જો મેળવીને તેની ધરપકડ કરવામાં આવી હતી.
વાહન અકસ્માતમાં ઈજા
મોરબીના લીલાપર ગામના રહેવાસી મહેશભાઈ ભુદરભાઈ દેત્રોજા નામના ૪૪ વર્ષના યુવાનને વાહન અકસ્માતના બનાવમાં ઇજા છતા સારવાર માટે ખાનગી હોસ્પિટલે ખસેડાયા હતા તેઓ સામાકાંઠે ત્રાજપર ચોકડી બાજુથી લીલાપર ગામ તરફ જવા નીકળ્યા ત્યારે ત્યાં આવેલ પાર્શ્વનાથ શોપિંગ નજીક તેમના બાઈકને અજાણી કારના ચાલકે હડફેટે લીધું હતું જેથી તેમને ઈજા થતા સારવારમાં ખસેડાયા હતા જે અંગે સીટી બી ડિનિઝન પોલીસ મથકના જગદીશભાઈ ડાંગર વધુ તપાસ ચલાવી રહ્યા છે.
યુવાન સારવારમાં
મોરબીના વાંકાનેરમાં આવેલા ભોજપરા ગામે રહેતા અશોક જેઠાભાઈ વિજવાડીયા નામના ૩૪ વર્ષના યુવાનને વાહન અકસ્માતમાં ઇજા થતા સારવાર માટે અત્રે સિવિલે લાવવામાં આવ્યો હતો.તે ઢુવા રોડ ઉપરના ક્યુટોન સિરામિક પાસેથી જતો હતો.ત્યાં તેને વાહન અકસ્માતમાં ઇજા થતા તેને સારવાર માટે ખસેડાયો હોય બનાવ અંગે એ ડિવિઝન પોલીસ મથકના એચ.એમ.ચાવડાએ પ્રાથમિક તપાસ કરીને વાકાનેર તાલુકા પોલીસને આ અંગે જાણ કરી હતી.
બાળકી સારવારમાં
મોરબીના શનાળા રોડ ઉપર આવેલ ગોકુલનગર વિસ્તારમાં રહેતા પરિવારની માનસી જેઠાભાઈ ચાવડા નામની છ વર્ષની બાળકી રમતા રમતા છત ઉપરથી નીચે પડી ગઈ હોય ઇજા પામતા અત્રેની આયુષ હોસ્પિટલે સારવાર માટે લાવવામાં આવી હતી.બનાવને પગલે સારવાર કર્યા બાદ હોસ્પિટલ તરફથી સીટી એ ડિવિઝન પોલીસમાં જાણ કરાતા એ ડિવિઝન પોલીસ મથકના હરેશભાઈ ચાવડા દ્વારા આ અંગે નોંધ કરીને આગળની તપાસ હાથ ધરવામાં આવેલ છે.
