મોરબી જિલ્લા પોલીસ વડાની અધ્યક્ષતામાં યોજાએલ લોક દરબારમાં લુખ્ખાગીરી-દારૂડીયાના ત્રાસની રાવ
Morbi Today
મોરબીની બે બેંકમાં દાખલો કઢાવવાની ફીમાં કરાયેલ ૧૦૦૦ ટકાનો વધારો પાછો ખેંચવા માંગ
SHARE
JOIN OUR GROUP
મોરબીની બે બેંકમાં દાખલો કઢાવવાની ફીમાં કરાયેલ ૧૦૦૦ ટકાનો વધારો પાછો ખેંચવા માંગ
મોરબી જીલ્લામાં બે બેંકમાં કોઈપણ દાખલો કાઢવવાની ફીમાં ૧૦૦૦ ટકાનો વધારો કરવામાં આવેલ છે.તે વધારો પાછો લેવામાં અને દાખલાઓ ફ્રીમાં કાઢી આપવા માંગ કરવામાં આવેલ છે.મોરબી જીલ્લામાં આવેલ મોરબી તાલુકા જમીન વિકાસ બેંક તથા માળિયા તાલુકા જમીન વિકાસ બેંકમાં ખેડૂતોને કોઈપણ બાબતનો દાખલો કઢાવવા માટે પહેલા ૧૦ રૂા. ફી લેવામાં આવતી હતી હાલમાં તેમાં ૧૦૦૦ ટકાનો વધારો કરીને ૧૦૦ રૂા. લેવામા આવી રહ્યો છે..! માટે અહીંના જાગૃત આગેવાન અને ઇન્ટરનેશનલ હ્યુમન રાઈટ એસોસિએશનના જનરલ સેક્રેટરી કે.ડી.બાવરવાએ રાજ્યના મુખ્યમંત્રી ભુપેન્દ્રભાઈ પટેલને પત્ર લખીને આ ભાવ વધારો પાછો ખેંચવા માંગ કરેલ છે.
આ ખેડૂતો સાથે અન્યાય છે.દેશના વડાપ્રધાન મોદીજી જયારે ખેડૂતોની આવક બમણી કરવાની વાતો કરે છે.ત્યારે મોરબીની આ બે બેંક ખેડૂતોની જાવક કેટલા ગણી કરવા માંગે છે..? જેથી સંસ્થાએ માંગણી કરેલ છે કે આ ફી વધારો પાછો ખેંચીને મફતમાં દાખલાઓ કાઢી આપવામાં આવે તેવી વ્યવસ્થા કરવી જોઇએ.જો આવું કરવામાં નહી આવે તો, આ બંને તાલુકાના ખેડૂતોને સાથે રાખીને ગાંધી ચિંધ્યા માર્ગે રજુઆતો કરવાની ફરજ પડશે તેવી ચીમકી પણ ઇન્ટરનેશનલ હ્યુમન રાઇટ્સ એસોસિયેશનના જનરલ સેક્રેટરી કે.ડી.બાવરવાએ ઉચ્ચારેલ છે.
