મોરબીના સાંસદ વિનોદ ચાવડાના હાથે કાલે છેવાડાના વિસ્તારોમાં પાણીની લાઈન નાંખવાનું ખાતમુહૂર્ત

મોરબી પાલિકા દ્વારા વાડી વિસ્તારમાં લોકોને પાણી મળે તેના માટે જે કામ મંજૂર કરવામાં આવ્યું છે તે કામનું ખાતમુહૂર્ત કરવાનું આયોજન કરવામાં આવ્યું છે અને મોરબી કચ્છના સાંસદ વિનોદભાઈ ચાવડાના હસ્તે આ પાણીની પાઇપ લાઇનનું ખાતમુહૂર્ત કરવામાં આવશે ત્યારે ધારાસભ્યો સહિતના આગેવાનો હાજર રહેશે.

મોરબી શહેરના વાડી વિસ્તાર અને છેવાડાના વિસ્તારમાં પીવાના પાણીની લાઇન પઠારવાનું આયોજન કરવામાં આવ્યું છે અને વોર્ડ નંબર-૧૦ રાતડીયાની વાડી રામજી મંદિરની બાજુમાં મોમ્સ હોટલની પાછળ શનાળા રોડ મોરબી ખાતે સુવર્ણ જયંતિ મુખ્યમંત્રી શહેરી વિકાસ યોજના અંતર્ગત પીવાના પાણીની અંદાજે ૯.૫૬ કરોડના ખર્ચે પાઇપ લાઇન પાથરવાની છે તે કામોનું ખાતમુહૂર્ત સાંસદ વિનોદભાઈ ચાવડાના હસ્તે કરવામાં આવશે ત્યારે સાંસદ મોહનભાઈ કુંડારિયા, ધારાસભ્ય કાંતિભાઈ અમૃતિયા, વાંકાનેરના ધારાસભ્ય જીતુભાઈ સોમાણી, ટંકારાના ધારાસભ્ય દુલર્ભજીભાઈ દેથરીયા, પૂર્વ મંત્રી જયંતિભાઈ કવાડિયા, ભાજપ અગ્રણી લાખાભાઈ જારીયા, રિશીપભાઈ કૈલા, ભાવેશભાઈ કંઝારીયા સહિતના ભાજપના આગેવાનો, હોદેદારો અને કાર્યકરો હાજર રહેશે.