વાંકાનેર તાલુકામાં સરકારી ખરાબાની જમીન મુસ્લિમ ટ્રસ્ટને ખરીદ કરવા મંજુરી !: વિવાદના એંધાણ
Morbi Today
મોરબીમાં સ્કૂલ બસના ડ્રાઈવરને કોર્ટે ફટકારી ત્રણ વર્ષની સજા
SHARE
JOIN OUR GROUP
મોરબીમાં સ્કૂલ બસના ડ્રાઈવરને કોર્ટે ફટકારી ત્રણ વર્ષની સજા
ચોમાસામાં મોરબી જિલ્લાના જુદાજુદા વિસ્તારમાં કોઝવેમાં પાણી ભરાય છે તેવી જ રીતે ચોમાસામાં કોઝવેમાં પાણી ભરેલ હતું ત્યારે ખાનગી સ્કૂલ બસને પાણીમાં ઉતારી હતી જેથી કરીને ૩૦ વિદ્યાર્થીઓના જીવ જોખમમાં મુકાયા હતા જે કેસ મોરબીની કોર્ટમાં ચાલી જતાં સરકારી વકીલની દલીલને ધ્યાને લઈને કોર્ટે બસના ડ્રાઈવરને ત્રણ વર્ષની સજા ફટકારી છે
આ કેસની માહિતી આપતા સરકારી વકીલ સંજયભાઈ દવેએ જણાવ્યુ હતુ કે, મોરબીની નીલકંઠ વિદ્યાલયની સ્કૂલ બસના ચલાવતા માળીયા મિયાણા તાલુકાનાં દેવગઢ ગામે રહેતા ડ્રાઇવર લાખાભાઈ રામાભાઈ બોરીચાએ વર્ષ ૨૦૧૭ ના જુલાઈ માસમાં કુંતસી રાજપર નજીક કોઝવેમાં પાણી ભરેલું હતું તો પણ બસને જોખમી રીતે ત્યાં પાણીમાં ઉતારી હતી અને બસ કોઝવેમાં ફસાઈ હતી ત્યારે સ્કૂલના ૩૦ વિદ્યાર્થીઓ તેમાં બેઠા હતા અને તેના જીવ જોખમમાં મુકાયા હતા જે બનાવની ગંભીરતાને ધ્યાને લઈને માળીયા પોલીસ મથકમાં ગુન્હો નોંધાયો હતો અને તે કેસ મોરબીની કોર્ટમાં ચાલી ગયો હતો જેમાં સરકારી વકીલના પુરાવાઓ અને દલીલને ધ્યાને લઈને કોર્ટે આરોપી ડ્રાઇવર લાખાભાઈ રામાભાઈ બોરીચાને ત્રણ વર્ષની કેદની સજા ફટકારી છે
