વાંકાનેર નજીક કન્ટેનરે બાઈકને હડફેટે લેતા યુવાનોના મોત

વાંકાનેર નજીક ટોલનાકા પાસે રોગ સાઈડમાં આવેલ કન્ટેનર ચાલકે ડબલ સવારી બાઇકને હડફેટે લીધું હતું જેથી કરીને અકસ્માત સર્જયો હતો. જેમાં બે યુવાનોના ઘટના સ્થળે જ મોત નિપજ્યા હતા. આ બનાવની જાણ વાંકાનેર સિટી પોલીસને કરવામાં આવતા પોલીસ ઘટનાસ્થળે દોડી આવી હતી અને આગળની કાર્યવાહી કરી હતી.

જાણવા મળતી માહિતી મુજબ મોરબી વાંકાનેર હાઇવે ઉપર વઘસિયા ટોલનાકા પાસે બાઇક નં જીજે ૩૬ એડી ૨૯૫૩ લઈને બે યુવાનો જતાં હતા ત્યારે કન્ટેનર જીજે ૧૨ બીઝેડ ૫૭૪૬ લઈને આવેલા વાહન ચાલકે તે બાઇકને હડફેટે લીધું હતું જેથી કરીને અકસ્માત સર્જાયો હતો. જેમાં ડાયાલાલ શિવાભાઈ ઝીઝુવાડિયા (જીકિયારી) અને સુખદેવભાઈ અદગામા (મહેન્દ્રનગર) નામના બે યુવાનના ઘટના સ્થળે જ મોત નિપજ્યાં હતા જેથી તેની બોડીને સિવિલ હોસ્પિટલ વાંકાનેર ખાતે લઈને આવ્યા હતા આ બનાવની વાંકાનેર સિટી પોલીસને જાણ કરતાં પોલીસ ત્યાં આવી પહોચી હતી અને આગળની રાબેતા મુજબની કાર્યવાહી કરવામાં આવી હતી