મોરબી : બી.એસસીના રિઝલ્ટમાં નવયુગ મહિલા સાયન્સ કોલેજનો દબદબો યથાવત, દરેક વિષયમાં પ્રથમ
Morbi Today
મોરબીના ઈનોટીવ શિક્ષક વિજયભાઈ દલસાણીયાને ગિજુભાઈ બધેકા રાષ્ટ્રીય શિક્ષક સન્માન એવોર્ડ એનાયત કરાયો
SHARE
JOIN OUR GROUP
મોરબીના ઈનોટીવ શિક્ષક વિજયભાઈ દલસાણીયાને ગિજુભાઈ બધેકા રાષ્ટ્રીય શિક્ષક સન્માન એવોર્ડ એનાયત કરાયો
સ્કૂલ એકેડેમી કેરલા અને ટીમ મંથન ગુજરાત દ્વારા દર વર્ષે સમગ્ર ભારતમાંથી શિક્ષણના ક્ષેત્રમાં નાવીન્યપૂર્ણ કામ કરતા, રાજ્ય કક્ષાએ પસંદગી પામેલ ઈનોટીવ શિક્ષક, તેમજ અનેકવિધ પ્રવૃત્તિઓ મારફત વિદ્યાર્થીઓના વિકાસ માટે સતત કાર્યરત એવા શિક્ષકોને પસંદ કરીને "ગિજુભાઈ બધેકા રાષ્ટ્રીય શિક્ષક સન્માન" એવોર્ડ એનાયત કરવામાં આવે છે.ત્યારે સમગ્ર ભારતમાંથી ૧૧૦ જેટલા પસંદગી થયેલ શિક્ષકોમાંથી મોરબી જિલ્લાના સભારાવાડી પ્રાથમિક શાળાના શિક્ષક વિજયભાઈ દલસાણીયાને તા.૨૮ ના રોજ બનાસકાંઠા જિલ્લાની ગોગાઢાણી પ્રાથમિક શાળા ખાતે આ એવોર્ડ સન્માન સાથે એનાયત કરવામાં આવ્યો.તેમણે શાળા અને મોરબી જિલ્લાના ગૌરવમાં વધારો કર્યો છે. વિજયભાઈએ શિક્ષણના અનેક ક્ષેત્રમાં અનેકવિધ કામગીરી કરી છે. બાળકોના વિકાસ માટે અનેકવિધ પ્રવૃત્તિઓ શાળામાં કરાવે છે.તેમણે કરેલી ૯૦૦ જેટલી પ્રવૃતિઓ અને બાળકોના સર્વાંગી વિકાસ માટે કરેલી પ્રસંશનીય કામગીરીની આ તકે પસંદગી થતાં વિજયભાઈએ ટીમ મંથન ગુજરાતના શૈલેષભાઈ પ્રજાપતિ, અનિલભાઈ શ્રીમાળી અને સતીષભાઈ પ્રજાપતિ તેમની અને સમગ્ર ટીમ પ્રત્યે આભારની લાગણી વ્યક્ત કરી હતી.
