ટંકારાના લખધીરગઢ ગામે ઝેરી દવા પી જતાં મહિલાનું મોત
SHARE
JOIN OUR GROUP
ટંકારાના લખધીરગઢ ગામે ઝેરી દવા પી જતાં મહિલાનું મોત
ટંકારા તાલુકાના લખધીરગઢ ગામે રહેતી મહિલા પોતાના ઘરે હતી ત્યારે ઝેરી દવા પી ગઈ હતી જેથી કરીને તેને તાત્કાલિક સારવાર માટે પ્રથમ ટંકારા અને ત્યાંથી વધુ સારવાર માટે મોરબી લઈને આવ્યા હતા ત્યાં સારવાર દરમિયાન તે મહિલાનું મોત નીપજયું હતું જેથી આપઘાતના આ બનાવની પ્રથમ મોરબી એ ડિવિઝન પોલીસને જાણ કરવામાં આવતા પોલીસે બનાવની પ્રાથમિક નોંધ કરીને આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ ટંકારા તાલુકાના લખધીરગઢ ગામે રહેતા લીલાબેન દિલીપભાઈ નાયક (૩૫) નામની મહિલા પોતાના ઘરે હતી ત્યારે ત્યાં ઝેરી દવા પી ગઈ હતી જેથી કરીને તેને ઝેરી અસર થવાના કારણે પ્રથમ સારવાર માટે ટંકારાની સરકારી હોસ્પિટલ ખાતે લઈને આવ્યા હતા અને ત્યાં પ્રાથમિક સારવાર આપ્યા બાદ તેને વધુ સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ચાલુ સારવાર દરમિયાન લીલાબેન નાયકનું મોત નીપજ્યું હતું જેથી આપઘાતના આ બનાવની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે બનાવવાની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ મોરબી એ ડિવિઝન પોલીસ સ્ટેશનના એચ.એમ. ચાવડા દ્વારા કરવામાં આવી હતી જેમાં મહિલાએ અકળ કારણોસર ઝેરી દવા પીને આપઘાત કર્યો હોવાનું તેમણે જણાવ્યુ છે
અકસ્માતમાં ઇજા
માળીયા મીયાણા તાલુકાના વાધરવા ગામે રહેતો શૈલેષ મોહનભાઈ લખધીર (૩૬) નામનો યુવાન બાઇક લઈને ગામ પાસેથી પસાર થઈ રહ્યો હતો ત્યારે ચાલુ બાઈકે તે યુવાનને ચક્કર આવી ગયા હતા જેથી કરીને તે રસ્તા ઉપર પટકાતા તેને ઇજાઓ થઈ હતી જેથી કરીને ઈજા પામેલા યુવાનને સારવાર માટે મોરબીની આયુષ હોસ્પિટલ ખાતે લઈને આવ્યા હતા અને અકસ્માતના આ બનાવની પ્રથમ મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
ઝેરી દવા પીધી
મોરબીમાં પોલીસ લાઈનની પાછળના ભાગમાં આવેલ ભવાની ચોક વિસ્તારમાં અકીબશા અરુણશા શાહમદાર જાતે ફકીર (૧૮) નામનો યુવાન પોતાના ઘર પાસે હતો ત્યારે ત્યાં તે કોઈ કારણોસર ઝેરી દવા પી ગયો હતો જેથી કરીને યુવાનને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં યુવાનને સારવાર આપ્યા બાદ આ બનાવવાની મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી સીટી એ ડિવિઝન પોલીસ સ્ટેશનના એચ.એમ. ચાવડા ચલાવી રહ્યા છે
