મોરબીના પાવળીયાળી નજીક બાઇક ચાલકે હડફેટે લેતા યુવાન સારવારમાં
Morbi Today
મોરબીમાં વૃદ્ધના ગળામાંથી સોનાના ચેન-પેન્ડલની ચીલઝડપ કરનારા આરોપીનો જેલમાંથી કબ્જો લેતી પોલીસ
SHARE
JOIN OUR GROUP
મોરબીમાં વૃદ્ધના ગળામાંથી સોનાના ચેન-પેન્ડલની ચીલઝડપ કરનારા આરોપીનો જેલમાંથી કબ્જો લેતી પોલીસ
મોરબીના સનાળા રોડ ઉપર આવેલ જીઆઇડીસી પાસે ચિત્રકૂટ શેરી નં-૪ માં ત્રણ મહિલાઓ ઘર પાસે ઉભી હતી ત્યારે ડબલ થવાની બાઈકમાં આવેલા અજાણ્યા બે શખ્સ દ્વારા સોનાના ચેન અને પેન્ડલની ચીલઝડપ કરવામાં આવી હતી અને ૭૫ હજાર રૂપિયાની કિંમતના સોનાના દાગીના લઈને બંને શખ્સો સ્થળ ઉપરથી નાસી ગયેલ છે જેથી વૃદ્ધાએ મોરબી સીટી એ ડિવિઝન પોલીસ સ્ટેશન ખાતે બે અજાણ્યા શખ્સોની સામે ફરિયાદ નોધાવી હતી તે ગુનામાં પોલીસે એક આરોપીનો મહેસાણા પોલીસ પાસેથી મોરબી પોલીસે કબ્જો લઈને આગળની કાર્યવાહી કરી છે
જાણવા મળતી માહિતી મુજબ મોરબીના સનાળા રોડ ઉપર આવેલ જીઆઇડીસી સામે ચિત્રકૂટ શેરી નં-૪ માં રહેતા મૂળ જસમતગઢના રહેવાસી જોસનાબેન અંબારામભાઈ રંગપરિયા જાતે પટેલ (૫૭) એ બે અજાણ્યા શખ્સોની સામે મોરબી સીટી એ ડિવિઝન પોલીસ સ્ટેશન ખાતે ચીલ ઝડપની ફરિયાદ નોંધાવેલ હતી જેમાં જણાવ્યું હતું કે, તેઓ તેમજ દૂધીબેન પીતાંબરભાઈ ભૂત અને દયાબેન કિશોરભાઈ કાસુન્દ્રા પોતાના ઘર પાસે ઉભા હતા દરમિયાન અજાણ્યા બે શખ્સો ડબલ સવારી બાઇકમાં ત્યાં આવ્યા હતા અને ત્યારે જયોત્સનાબેને ગળામાં પહેરેલ સોનાના ચેન તથા સોનાના શ્રીનાથજીના પેન્ડલની ચીલ ઝડપ કરવામાં આવી હતી અને કુલ મળીને ૭૫ હજાર રૂપિયાની કિંમતના સોનાના દાગીનાની ઝડપ કરીને બાઈકમાં આવેલા અજાણ્યા બંને શખ્સો સ્થળ ઉપરથી નાસી ગયા હતા જેથી વૃદ્ધાએ મોરબી સીટી એ ડિવિઝન પોલીસ સ્ટેશન ખાતે ચીલ ઝડપની ફરિયાદ નોંધાવી હતી જેના આધારે પોલીસે આ ગુનામાં એક આરોપીને પકડ્યો છે
જેની મળતી માહિતી મુજબ મહેસાણા એલસીબી દ્વારા એક ઇસમને પકડવામાં આવ્યો હતો જેની પાસેથી તૂટેલો ચેન મળી આવ્યો હતો જેથી તેની વધુ પૂછપરછ કરવામાં આવતા તેને મોરબીના જીઆઇડીસી વિસ્તારમાં ચેન સ્નેચિંગ કરવામાં આવ્યું હતું જેથી એ ડિવિઝન પોલીસે વડનગર સબ જેલ ખાતેથી આરોપી રાજાસિંગ નારસિંગ બાઘા જાતે સરદાર (૨૬) રહે. નંદનવન સોસાયટી તાલુકો થરા જીલ્લો બનાસકાંઠાનો ટ્રાન્સફર કબજો મેળવ્યો હતો અને આ આરોપીની ધરપકડ કરીને તને કોર્ટમાં રજુ કરતા કોર્ટે તેને જેલ હવાલે કરવા હુકમ કર્યો છે જેથી તેને વડનગર જેલ હવાલે કરવામાં આવ્યો છે
