મોરબીના રાજપર નજીક સર્જાયેલ જીવલેણ અકસ્માતના ગુનામાં આરોપી ટ્રેક્ટર ચાલકની ધરપકડ
Morbi Today
મોરબીના પાવળીયાળી નજીક બાઇક ચાલકે હડફેટે લેતા યુવાન સારવારમાં
SHARE
JOIN OUR GROUP
મોરબીના પાવળીયાળી નજીક બાઇક ચાલકે હડફેટે લેતા યુવાન સારવારમાં
મોરબીના જેતપર રોડ ઉપર આવેલ પાવરીયાળી નજીક પગપાળા જતા યુવાનને અજાણ્યા બાઈક ચાલકે હડફેટ લીધો હતો જેથી ઇજા પામેલ યુવાનને ખાનગી હોસ્પિટલે સારવાર માટે ખસેડવામાં આવ્યો હોવાનું સૂત્રોમાંથી જાણવા મળેલ છે.
મોરબી તાલુકા પોલીસ સુત્રોમાંથી મળતી માહિતી મુજબ મોરબીના જેતપર રોડ ઉપર આવેલ પાવડીયારી નજીક પગપાળા જઈ રહેલ વિનોદ મૂળજીભાઈ સોલંકી (ઉમર ૪૪) રહે.જુના દેવડીયા તાલુકો હળવદ જીલ્લો મોરબી વાળાને અજાણ્યા બાઈક ચાલકે હડફેટે લીધો હતો જેથી ઈજા પામેલ વિનોદભાઈ સોલંકીને અત્રેની મધુરમ હોસ્પિટલે સારવાર માટે ખસેડાયો હતો જ્યાંથી સારવાર કરવામાં આવ્યા બાદ તાલુકા પોલીસને જાણ કરવામાં આવેલી હોય હાલમાં તાલુકા પોલીસ મથકના હેડ કોન્સ્ટેબલ જે.બી.પરમાર દ્વારા આ અંગે નોંધ કરીને આગળની તપાસ હાથ ધરવામાં આવી છે.જ્યારે મોરબીના વાંકાનેર હાઇવે ઉપર આવેલ લાલપર ગામ પાસે થયેલા વાહન અકસ્માતના બનાવમાં ઈજા પામેલ કલસિંગ દલાભાઈ મંડોલ (ઉમર ૩૮) રહે.લખધીરપુર રોડ સામાકાંઠે મોરબી-૨ વાળાને ઇજાઓ પહોંચેલ હોય તેને સિવિલ હોસ્પિટલે સારવાર માટે ખસેડવામાં આવ્યો હતો સિવિલ હોસ્પિટલ તરફથી મોરબી તાલુકા પોલીસને ઉપરોક્ત અકસ્માત બનાવની જાણ કરવામાં આવતા હાલમાં બનાવની આગળની તપાસ જે.પી.પટેલ ચલાવી રહ્યા હોવાનું તાલુકા પોલીસ સૂત્રોએ જણાવેલ છે.
વૃદ્ધ સારવારમાં
મોરબીના માળીયા હાઇવે ઉપર આવેલા સોખડા ગામ નજીકના લેટેન્ટ પેપર મીલ પાસે રહીને ત્યાં કામકાજ કરતા કમલભાઈ દરિયાભાઈ પટેલ નામના ૫૦ વર્ષીય વૃદ્ધને મોરબીના માળિયા હાઇવે ઉપર સોખડા ગામના પાટીયા પાસે વાહન અકસ્માતના બનાવમાં ઇજાઓ પહોંચતા તેઓને ૧૦૮ વડે સિવિલ હોસ્પિટલે સારવાર માટે લાવવામાં આવ્યા હતા અને સિવિલ હોસ્પિટલમાંથી હાલમાં બનાવ સંદર્ભે તાલુકા પોલીસને જાણ કરાતા તાલુકા પોલીસ મથકના ફિરોજભાઈ સુમરા દ્વારા આ અંગે આગળની તપાસ ચલાવવામાં આવી રહી હોવાનું જાણવા મળેલ છે.
બાળક સારવારમાં
મોરબી તાલુકાના પંચાસર ગામે ગામે ઘર નજીક સાયકલ ચલાવી રહેલા પૂર્વ રાજેશભાઈ કણસાગરા નામના નવ વર્ષના બાળકને સાયકલ ચલાવતા સમયે અકસ્માતે નીચે પડી જતા હાથના ભાગે ઇજાઓ થતા તેને અત્રે હેમલ પટેલ હોસ્પિટલ ખાતે સારવાર માટે ખસેડવામાં આવ્યો હતો બનાવની જાણ તાલુકા પોલીસને કરવામાં આવેલી હોય તાલુકા પોલીસ મથકના મહિલા એએસઆઈ નેહલબેન ખડીયા દ્વારા આ અંગે આગળની તપાસ ચલાવવામાં આવી રહી છે.
