વાંકાનેર તાલુકામાં ૫૧ વીજ કનેક્શનમાં ગેરરીતી સામે આવતા ૧૬.૩૯ લાખનાં બીલ ફટકાર્યા
SHARE
JOIN OUR GROUP
વાંકાનેર તાલુકામાં ૫૧ વીજ કનેક્શનમાં ગેરરીતી સામે આવતા ૧૬.૩૯ લાખનાં બીલ ફટકાર્યા
મોરબી જીલ્લામાં વીજ ચોરીના દૂષણને ડામવા માટે વીજ કંપનીના અધિકારીઓ દ્વારા જુદીજુદી ટીમો બનાવીને ચેકિંગ કરવામાં આવે છે તેવી જ રીતે મોરબી જિલ્લાના વાંકાનેર શહેર અને તાલુકામાં ચેકિંગ કરવામાં આવ્યું હતું ત્યારે કુલ મળીને ૫૧ વીજ કનેક્શનમાં વીજચોરી થતી હોવાનું સામે આવ્યું હતું જેથી કરીને તે ગ્રાહકોને ૧૬.૩૯ લાખના બિલ ફટકારવામાં આવેલ છે
મોરબી વર્તુળ કચેરી દ્વારા વાંકાનેર શહેર અને તાલુકાના જુદા-જુદા વિસ્તારમાં રહેણાંક અને વાણીજ્ય હેતુના વિજ કનેક્શન ચેક કરવામાં આવ્યા હતા ત્યારે જામનગર, ભુજ, અંજાર તથા મોરબી જીલ્લાની વિવિધ વિજીલન્સ ૩૫ ટીમો સાથે રહી હતી અને કુલ ૬૨૬ વીજ કનેક્શન ચેક કરવામાં આવ્યા હતા ત્યારે રહેણાકમાં ૪૯ અને વાણીજ્ય હેતુના બે કનેક્શનમાં ગેરરીતી સામે આવી હતી જેથી કરીને વીજ કંપનીના અધિકારીઓ દ્વારા તે ગ્રાહકોને ૧૬.૩૯ લાખનાં બીલ ફટકારવામાં આવેલ છે. વધુમાં અધિકારી જણાવ્યુ હતુ કે, વાંકાનેર વિભાગીય કચેરી હેઠળનાં શહેર, ગ્રામ્ય-૧ અને ગ્રામ્ય-૨ પેટા વિભાગીય કચેરી હેઠળનાં રહેણાંક, મરઘા ઉછેર કેન્દ્ર, અન્ય વાણીજ્ય હેતુ તથા ખેતીવાડીના કનેક્શનમા વીજ ચોરીનું પ્રમાણ વધારે જોવ મળી રહ્યું છે જેથી ચેકિંગ ડ્રાઈવ ત્યાં ચાલુ જ રાખવામા આવશે
