મોરબીમાં ગુજરાત ગેસ કંપની પ્રેરિત ઝીલ એજ્યુકેશન દ્વારા ટીચર્સ માટે ટ્રનિંગ પોઈન્ટ ટ્રેનિંગ યોજાઈ
Morbi Today
મોરબીના બિલિયા ગામની શાળામાં ઋણાનુબંધ શતાબ્દી મહોત્સવ ઉજવાયો
SHARE
JOIN OUR GROUP
મોરબીના બિલિયા ગામની શાળામાં ઋણાનુબંધ શતાબ્દી મહોત્સવ ઉજવાયો
મોરબીની બિલિયા શાળાને સો વર્ષ પૂર્ણ થતાં ગામના સોશ્યલ ગ્રૂપ, શાળા પરિવાર અને સમસ્ત ગામ દ્વારા સાંજના ૪ વાગ્યાથી રાત્રીના ૧૧ વાગ્યા સુધી ઋણાનુંબંધ મહોત્સવ યોજાઈ ગયો હતો જેમાં સાંસ્કૃતિક કાર્યક્રમ અને માનવતાનું મહામુલું કાર્ય એવા રક્તદાન માટે બ્લડ ડોનેશન કેમ્પ તેમજ સમસ્ત ગામના ૩૦૦૦ જેટલા લોકોનું સમૂહ ભોજન જેવા કાર્યક્રમોનું આયોજન કરવામાં આવ્યું હતું
આ કાર્યક્રમમાં શાળામાં અભ્યાસ કરી સરકારી મહેકમમાં ઉચ્ચ હોદા પર કાર્યરત શાળાના ભૂતપૂર્વ વિદ્યાર્થીઓ શિક્ષકોનું, તેજસ્વી તરલાઓનું સન્માન તેમજ શાળાના પ્રથમ વિદ્યાર્થી ધરમશીબાપા સાંણદિયા હાલ શતાયુ વર્ષની ઉંમરે હયાત હોય એમનું પણ સન્માન કરાયું હતું આ કાર્યક્રમના દિલેર દાતાઓનું સન્માન કરાયું હતું અને ધનજીભાઈ કાવર તરફથી શાળાના તમામ વિદ્યાર્થીઓને હાઈજિન કીટ અર્પણ કરવામાં આવી હતી તો બિલિયા સોશ્યલ ગ્રુપ અને શાળાના વિદ્યાર્થીઓ દ્વારા દેશભક્તિ, રાષ્ટ્રસેવાથી ભરપૂર સાંસ્કૃતિક કાર્યક્રમો રજૂ થયા હતા આ પ્રસંગે ગામના સરપંચ કાંતિલાલ પેથાપરાએ સૌનું શાબ્દીક અભિવાદન કર્યું હતું અને ચતુરભાઈ કાવરે પ્રાસંગિક ઉદબોધન કર્યું હતું. અને આ તકે નકલંકધામ બગથળાના મહંત દામજી ભગત અને કબીરધામના મહંત મહા મંડલેશ્વર ૧૦૦૮ શિવરામદાસજી આશિર્વચન પાઠવતા જણાવ્યું કે જીવનમાં શિક્ષણનું ખુબજ મહત્વ છે જીવનમાં ગુરૂનું ખુબજ મહત્વ છે શિક્ષક જ બાળકનું ઘડતર કરે છે આ સુંદર કાર્યક્ર્મ માટે શાળાના વર્તમાન આચાર્ય કિરણભાઈ કાચરોલા, તમામ શિક્ષકો અને આયોજકોને અભિનંદન આપ્યા હતા અને આ કાર્યક્ર્મમાં સમસ્ત બિલિયાવાસીઓ, બિલિયા ગામની બહાર મોરબી કે અન્ય શહેરોમાં વસવાટ કરતા સૌ લોકો હાજર રહ્યા હતા અને આ કાર્યક્રમને સફળ બનાવવા શાળા પરિવાર તેમજ બિલિયા સોશ્યલ ગ્રુપના કાર્યકર્તાઓએ તન, મન અને ધનથી ખુબજ જહેમત ઉઠાવી હતી
