મોરબીના વાવડી, કેનાલ રોડ તેમજ માળીયા હાઇવે ઉપર થયેલ વાહન અકસ્માતમાં ઇજા થતા ત્રણ યુવાનો સારવારમાં
Morbi Today
મોરબીમાં છુટાછેડા માટે પૈસા આપવાનું કહીને યુવાનને માર મારવાના ગુનામાં આરોપીની ધરપકડ
SHARE
JOIN OUR GROUP
મોરબીમાં છુટાછેડા માટે પૈસા આપવાનું કહીને યુવાનને માર મારવાના ગુનામાં આરોપીની ધરપકડ
મોરબીમાં યુવાનને તેની પત્ની સાથે છૂટાછેડા બાબતે કોર્ટમા કેસ ચાલી રહ્યો છે દરમ્યાન એલ.ઇ. કોલેજની હોસ્ટેલના કેમ્પસમા સિક્યુરિટી ગાર્ડ તરીકે ફરજ બજાવત શખ્સે “તમારી પત્નીને છુટાછેડા માટે તમારે પૈસા આપવા પડશે” તેવું કહીને ગાળો આપીને યુવાનને ઢીકાપાટુનો અને ધોકા વડે માર માર્યો હતો જેથી યુવાને સારવાર લીધા બાદ મોરબી બી ડિવિઝ્ન પોલીસ સ્ટેશને ફરિયાદ નોંધાવી હતી જેના આધારે પોલીસે આરોપીની ધરપકડ કરેલ છે
મોરબીમાં એલ.ઈ.કોલેજની બોયઝ હોસ્ટેલના કેમ્પસમા ન્યુ હીલ હોસ્ટેલની બાજુમા રહેતા ઘનશ્યામસિંહ સરદારસિંહ ઝાલા જાતે દરબાર (૪૪)એ મજબુતસિંહ દિલુભા રાઠોડ રહે. મયુર સોસાયટી મોરબી વાળાની સામે ફરિયાદ નોંધાવી હતી કે, એલ.ઈ.કોલેજ બોયઝ હોસ્ટેલના ગેટ પાસે તે હતા ત્યારે આરોપી તેની પાસે આવ્યો હતો અને “તમારી પત્નીને છુટાછેડા માટે તમારે પૈસા આપવા પડશે” તેમ કહી આરોપીએ ફરિયાદી યુવાનને ગાળો આપી હતી ત્યારે ગાળો આપવાની ના પાડતા આરોપી ઉશકેરાઇ ગયો હતો અને લાકડા ધોકાથી યુવાનને બંને પગમા તથા ડાબા ખંભાના ભાગે માર માર્યો હતો અને ઢીકાપાટુનો માર મારીને ઈજાઓ કરી હતી જેથી ઇજા પામેલા યુવાને સારવારમાં ખસેડાયો હતો અને ત્યાર બાદ યુવાને ફરિયાદ નોંધાવી હતી જેના આધારે પોલીસે મજબુતસિંહ ઉર્ફે સાજુભા દિલુભા રાઠોડ (૫૨) રહે. સવી પાર્ક સાઈ બાબા મંદિર પાસે મોરબી મૂળ રાજપરા તાલુકો ઉના જિલ્લો ગીર સોમનાથ વાળાની ધરપકડ કરેલ છે
