વાંકાનેરના આરોગ્યનગર-નવાપરામાં જુગારની બે રેડ: નવ જુગારી પકડાયા
Morbi Today
મોરબી જિલ્લામાંથી ૧૦ લાખના મેફેડ્રોન ડ્રગ્સ સાથે એક શખ્સ ઝડપાયો
SHARE
JOIN OUR GROUP
મોરબી જિલ્લામાંથી ૧૦ લાખના મેફેડ્રોન ડ્રગ્સ સાથે એક શખ્સ ઝડપાયો
મોરબી જિલ્લામાં આવતા માળીયા મીયાણાની ભીમાસર ચોકડી પાસેથી પસાર થતાં શખ્સને રોકીને પોલીસ ચેક કર્યો હતો ત્યારે તેની પાસેથી મેફેડ્રોન ડ્રગ્સનો જથ્થો મળી આવ્યો છે જેથી પોલીસે ૧૦૦ ગ્રામ ડ્રગ્સ જેની કિંમત ૧૦ લાખ રૂપિયા તેમજ અન્ય મુદ્દામાલ મળીને હાલમાં ૧૦,૦૯,૫૮૦ ના મુદ્દામાલ સાથે રાજસ્થાની શખ્સની ધરપકડ કરેલ છે અને હાલમાં પકડાયેલા શખ્સની સામે માળિયા મીયાણા તાલુકા પોલીસ સ્ટેશન ખાતે એનડીપીએસ એક્ટ હેઠળ ગુનો નોંધીને પોલીસે આગળની તપાસ શરૂ કરી છે તેમજ આરોપી ડ્રગ્સનો જથ્થો ક્યાંથી લઈને આવ્યો હતો અને કોને આપવાનો હતો તે દિશામાં હાલમાં પણ તપાસ કરવામાં આવી રહી છે
મોરબી જિલ્લા એસઓજીના ભાવેશભાઈ મિયાત્રાને મળેલ ખાનગી બાતમી આધારે ઇન્ચાર્જ પીઆઇ પી.જી. પનારા તેમજ એસઓજીના સ્ટાફ દ્વારા માળિયા મોરબી હાઇવે ઉપર આવેલ ભીમાસર ચોકડી પાસે ઓવરબ્રિજ નીચે વોચ ગોઠવવામાં આવી હતી અને જે પ્રકારની બાતમી મળી હતી તે પ્રકારનો શંકાસ્પદ વ્યક્તિ ત્યાંથી નીકળતા તેને રોકીને પોલીસે ચેક કરતા તેની પાસેથી મેફેડ્રોન ડ્રગ્સનો જથ્થો મળી આવ્યો હતો. જેથી કરીને પોલીસે ૧૦૦ ગ્રામ મેફેડ્રોન ડ્રગ્સ જેની કિંમત દસ લાખ રૂપિયા તેમજ ૫૦૦૦ રૂપિયાની કિંમતનો એક મોબાઇલ ફોન અને ૪૫૮૦ રૂપિયા રોકડા આમ કુલ મળીને ૧૦,૦૯,૫૮૦ ના મુદ્દામાલ સાથે દેવીલાલ મગારામ સેવર જાતે જાટ (ઉંમર ૨૪) રહે. ખારા મહેચાન જીલ્લો બાડમેર (રાજસ્થાન) વાળાની ધરપકડ કરેલ છે અને તેની સામે માળિયા મીયાણા તાલુકા પોલીસ સ્ટેશન ખાતે એનડીપીએસ એક્ટ મુજબ ગુનો નોંધીને પોલીસે આગળની તપાસ શરૂ કરી છે
હાલમાં પકડાયેલ શખ્સ મેફેડ્રોન ડ્રગ્સનો જથ્થો ક્યાંથી લઈને આવ્યો હતો અને તે ક્યાં આપવા માટે જઈ રહ્યો હતો તે દિશામાં પોલીસ દ્વારા તપાસ શરૂ કરવામાં આવી છે અત્રે ઉલ્લેખનિય છે કે અગાઉ મોરબી તાલુકાના જીંજુડા ગામેતી ડ્રગ્સનો મોટો જથ્થો એટીએસની ટિમ દ્વારા પકડવામાં આવ્યો હતો અને મોરબીના કેટલાક શખ્સો ડ્રગ્સ સાથે બીજા જીલ્લામાં ઝડપાયા હતા જેથી કરીને મોરબી પંથકમાં પણ ડ્રગ્સની મોટા પ્રમાણમાં દારૂની જેમ હેરાફેરી થવા લાગી હોય તેવો ઘાટ છેલ્લાં સમયથી મોરબી જિલ્લાની અંદર જોવા મળી રહ્યો છે ત્યારે હાલમાં પકડાયેલ શખ્સને સાથે રાખીને પોલીસ દ્વારા ડ્રગ્સના નેટવર્કના મૂળ સુધી પહોચવા માટેની હાલમાં કવાયત શરૂ કરવામાં આવી છે જો કે, મેફેડ્રોન ડ્રગ્સના મૂળ કયા સુધી પથરાયેલા છે તે તો આગામી સમય જ બતાવશે
