હળવદના મેરૂપરમાં સરકારી જમીન ઉપર કબજો કરનારા ત્રણ શખ્સોની સામે મામલતદારે કરી લેન્ડ ગ્રેબિંગ
SHARE
JOIN OUR GROUP
હળવદના મેરૂપરમાં સરકારી જમીન ઉપર કબજો કરનારા ત્રણ શખ્સોની સામે મામલતદારે કરી લેન્ડ ગ્રેબિંગ
હળવદ તાલુકાના મેરૂપર ગામે સરકારી જમીન ઉપર ત્રણ શખ્સો દ્વારા દબાણ કરવામાં આવ્યું છે જેથી હળવદના મામલતદાર દ્વારા હળવદ તાલુકા પોલીસ સ્ટેશન ખાતે ત્રણેય શખ્સોની સામે લેન્ડ ગ્રેબિંગ એક્ટ હેઠળ ફરિયાદ નોંધાવવામાં આવી છે જેના આધારે પોલીસે ગુનો નોંધીને આરોપીને પકડવા માટે થઈને તજવીજ શરૂ કરેલ છે
બનાવની જાણવા મળતી માહિતી પ્રમાણે હળવદના મામલતદાર નાનજીભાઈ સુદામજી ભાટ્ટી (૫૭) એ હાલમાં હળવદ તાલુકાના મેરૂપર ગામે રહેતા રમેશભાઈ ભુદરભાઈ પટેલ, મનસુખભાઈ ભુદરભાઈ પટેલ અને વિભાભાઈ રાહાભાઈ રબારીની સામે લેન્ડ ગ્રેબિંગ એક્ટ હેઠળ હળવદ તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે વર્ષ ૨૦૧૯ થી આજ દિવસ સુધી ત્રણેય શખ્સો દ્વારા હળવદ તાલુકાના મેરૂપર ગામે સરકારી જમીન ઉપર સર્વે નંબર ૩૭૧ પૈકી ૧, પૈકી ૧ વાડી જમીન ઉપર ગેરકાયદેસર રીતે કબજો કરી આર્થિક ઉપજ મેળવી જમીન પર આજ દિવસ સુધી ગેરકાયદેસર કબજો ચાલુ રાખે જમીનને પચાવી પાડેલ છે જેથી કરીને મામલતદાર દ્વારા લેન્ડ ગ્રેબિંગની ફરિયાદ નોંધાવવામાં આવેલ છે અને આ ફરિયાદ આધારે મેરૂપર ગામના ત્રણ શખ્સોની સામે લેન્ડ ગ્રેબિંગ એક્ટ હેઠળ ગુનો નોંધીને આરોપીઓને પકડવા માટે તજવીજ શરૂ કરેલ છે
