હળવદના ચરડવા પાસે રોંગ સાઇડમાં આવેલ બાઇક અથડાતાં પોલીસકર્મીના દીકરા સહિત બેને ઇજા
Morbi Today
ટંકારામાં નગરનાકા પાસે બે પરિવાર વચ્ચે ઝઘડો: સામસામી ફરિયાદ
SHARE
JOIN OUR GROUP
ટંકારામાં નગરનાકા પાસે બે પરિવાર વચ્ચે ઝઘડો: સામસામી ફરિયાદ
ટંકારામાં નગરનાકા પાસે સામાન્ય બોલાચાલી બાદ સામ સામે મારામારીનો બનાવ બન્યો હતો જે બનાવવાની હાલમાં ટંકારા તાલુકા પોલીસ સ્ટેશન ખાતે સામસામે ફરિયાદ નોંધાતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે
જાણવા મળતી વિગત પ્રમાણે મોરબી જિલ્લામાં આવેલ ટંકારામાં નગરનાકા ઝાપા પાસે રહેતા દલપતભાઈ કાંતિભાઈ સારેસાએ હાલમાં દિનેશભાઈ લાલજીભાઈ જાદવ, હંસાબેન દિનેશભાઈ જાદવ અને દિનેશભાઈની બે દીકરીઓની સામે ફરિયાદ નોંધાવી છે જેમાં તેમણે જણાવ્યું છે કે દિનેશભાઈએ તેઓને લાકડાના ધોકા વડે માર્યો હતો અને સાહેદ સરોજબેન તેમજ બાલુબેનને પણ હંસાબેન અને તેની દીકરીઓ દ્વારા માર મારવામાં આવ્યો હતો જેથી તેઓને સારવારમાં લઈ ગયા હતા અને ત્યારબાદ તેઓએ ટંકારા તાલુકા પોલીસ સ્ટેશન ખાતે માર માર્યો હોવાની અને જાનથી મારી નાખવાની ધમકી આપી હોવાની ફરિયાદ નોંધાવતા પોલીસે દિનેશભાઈ, તેની પત્ની અને બે દીકરીઓની સામે ગુનો નોંધી આગળની રાબેતા મુજબની કાર્યવાહી હાથ ધરી હતી
તો સામા પક્ષેથી હંસાબેન દિનેશભાઈ જાદવ દ્વારા દલપતભાઈ કાંતિભાઈ સારેસા, સરોજબેન સુરેશભાઈ સારેસા બાલુબેન કાંતિભાઈ સારેસાની સામે ફરિયાદ નોંધાવવામાં આવી છે જેમાં તેમણે જણાવ્યું છે કે તેઓની સાથે તેમજ દિનેશભાઈની સાથે આરોપીઓ બોલાચાલી કરતા હતા અને દિનેશભાઈ સાથે જપાજપી કરીને સરોજબેન તેમજ બાલુબેનને માર માર્યો હતો તેમજ દલપતભાઈએ ફરિયાદી તથા તેની દીકરીઓને માર માર્યો હતો અને મારી નાખવાની ધમકી આપી હતી જેથી ભોગ બનેલા હંસાબેનની ફરિયાદ લઈને પોલીસે દલપતભાઈ તેમજ બે મહિલાઓની સામે હાલમાં ગુનો નોંધીને આરોપીઓને પકડવા માટે તજવીજ શરૂ કરેલ છે
