મોરબી જિલ્લા એલસીબીની ટીમ બે પિસ્તોલ સાથે બે શખ્સને દબોચ્યા
SHARE
JOIN OUR GROUP
મોરબી જિલ્લા એલસીબીની ટીમ બે પિસ્તોલ સાથે બે શખ્સને દબોચ્યા
મોરબી જિલ્લા એલસીબીની ટીમ દ્વારા જુદી જુદી બે જગ્યાઓ પરથી દેશી બનાવટની એક એક પિસ્તોલ સાથે બે શખ્સોની ધરપકડ કરવામાં આવેલ છે અને આ મુદ્દે સ્થાનિક પોલીસ સ્ટેશનમાં જુદી જુદી બે આર્મ્સ એક્ટની ફરિયાદ નોંધાવીને પોલીસે આગળની કાર્યવાહી હાથ ધરેલ છે.
જાણવા મળતી વિગત પ્રમાણે મોરબીના લક્ષ્મીનગર ગામ પાસે આવેલ ભાગ્યલક્ષ્મી હોટલ પાસે રોડ ઉપરથી પસાર થતા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટની મેગ્ઝીન વાળી એક પિસ્તોલ મળી આવી હતી જેથી કરીને દસ હજાર રૂપિયાની કિંમતની પિસ્તોલ સાથે નૂરસિંગ ઉર્ફે નારાયણ ઇડુસિંગ ચૌહાણ જાતે આદિવાસી (ઉમર ૩૫) રહે. જળઆંબલી ગામ મધ્યપ્રદેશ વાળાની ધરપકડ કરી હતી અને આ આરોપીને હથિયાર સાથે મોરબી તાલુકા પોલીસ હવાલે કરવામાં આવ્યો હતો.
મોરબી જિલ્લા એલસીબીની ટીમ દ્વારા માળિયા નેશનલ હાઇવે ઉપર આવેલ સંઘના પેટ્રોલ પંપ પાસેથી પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટની મેગેઝીન વાળી એક પિસ્તોલ મળી આવી હોય પોલીસે ૧૦ હજાર રૂપિયાના હથિયાર સાથે તેની ધરપકડ કરી હતી અને ફારુકભાઈ નુરલીઅલી મોવર જાતે મિયાણા (ઉંમર ૨૪) રહે. માળીયા મીયાણા સંઘના પેટ્રોલ પંપ સામે નેશનલ હાઈવે રોડ માળિયા વાળાની ધરપકડ કરી હતી અને આ શખ્સે મોરબીમાં હથિયાર સાથે ઝડપાયેલ નૂરસિંગ આદિવાસી પાસેથી હથિયાર લીધું હોવાની કબુલાત આપી હોય તેને આ ગુનામાં તે આરોપીને પકડવા માટે પોલીસે આગળની કાર્યવાહી હાથ ધરી હતી.
