મોરબીના સીરામીક ઉદ્યોગમાં પાઇપલાઇન મારફતે ગેસ સપ્લાય કરતી બે કંપનીના ભાવમાં જમીન આસમાનનો તફાવત !, ઉદ્યોગકારોની મૂંઝવણમાં સતત વધારો: હાલમાં ઉદ્યોગકારો એમજીઓ કરાર ન કરે તેવા સંકેત મોરબીમાં વ્યાજે લીધેલા 2.40 લાખ સામે 7.67 લાખ ચૂકવી દીધા છતાં ગીરવે મુકેલા દાગીના અને કોરા ચેક પાછા નહીં આપતા દંપતી સામે ગુનો નોંધાયો ભારે કરી: મોરબીમાં બાઈક વ્યવસ્થિત રાખવાનું કહેતા નિવૃત્ત પોલીસ કર્મચારીને ઝાપટ મારીને ગાળો આપી છરી મારવાનો પ્રયાસ મોરબીમાં બાઈક ચાલકે હડફેટે લેતા ઇજા પામેલ 12 વર્ષના બાળકનું મોત મોરબીમાં વેપાર માટે યુવાને વ્યાજે લીધેલા 5 લાખ સામે 7.90 લાખ ચૂકવ્યા છતાં બે શખ્સો દ્વારા પઠાણી ઉઘરાણી, મારી નાખવાની ધમકી હળવદના માથક ગામે રહેતા યુવાને અગાઉ કરેલ ફરિયાદ પાછી ખેંચી લેવા માટે ફોન ઉપર ગાળો આપીને ઠામ પતાવી દેવાની ધમકી મોરબીમાં જુદી જુદી બે જગ્યાએથી દારૂની 17 બોટલ સાથે ત્રણ શખ્સો પકડાયા, ત્રણ ની શોધખોળ હળવદમાં ઘરે મોડા આવતા પતિ સાથે બોલાચાલી ઝઘડો થતાં પરિણીતાએ કર્યો આપઘાત

Breaking news

Morbi Today

મોરબી જિલ્લામાં ૬૫ ટકા ખરીફ પાકોનું વાવેતર કરાયું

12-07-2022 10:08 AM

મોરબી જિલ્લામાં ૬૫ ટકા ખરીફ પાકોનું વાવેતર કરાયું

મોરબી જિલ્લામાં ચોમાસુ પાક લેવા માટે ખરીફ પાકનું વાવેતર કરવામાં આવી રહયું છે અને હાલમાં ૬૫ ટકા ખરીફ પાકોનું વાવેતર કરી દેવામાં આવ્યું છે જેમાં ૧.૩૫ લાખ હેક્ટરમાં કપાસ તેમજ ૬૩ હજાર હેક્ટરમાં મગફળી સાથે અન્ય પાક મળી કુલ ૨.૧૪ લાખ હેક્ટરમાં ખેડૂતોએ વાવણી કરી છે

સમગ્ર ગુજરાતની સાથે મોરબી જિલ્લામાં પણ મેહુલિયે મેર કરી છે. જેના પરિણામે વાવણીલાયક વરસાદના કારણે ખેડૂતોએ વાવણી પણ સારી એવી કરી છે. મોરબી જિલ્લામાં ખેડવાલાયક જમીનના ૬૫ ટકા જમીનમાં ખરીફ પાકોનું વાવેતર કરવામાં આવ્યું છે. મોરબી જિલ્લામાં અત્યાર સુધી સિઝનનો ૩૦ ટકાથી વધુ વરસાદ નોંધાઈ ચૂક્યો છે ત્યારે ખેડૂતો ખેતરે-ખેતરે વાવણી કરવા લાગ્યા છે. ખેડવાલાયક કુલ ૩.૨૫ લાખ હેક્ટર વિસ્તારમાં અંદાજિત કુલ ૨.૧૪ લાખ હેક્ટર જમીનમાં વિવિધ ખરીદ પાકોનું વાવેતર કરવામાં આવ્યું છે. એટલે કે ૬૫ ટકા જેટલી જમીનમાં ખરીફ પાકોનું વાવેતર થયું છે. ખેતીવાડી શાખાના આંકડા મુજબ અંદાજે ૭૬ હેક્ટરમાં બાજરી, ૮૫ હેક્ટરમાં તુવેર, ૬૦૮ હેક્ટરમાં મગ, ૫૮૦ હેક્ટરમાં અડદ, ૬૩,૬૪૩ હેક્ટરમાં મગફળી, ૪૪૩ હેક્ટરમાં તલ, ૧૭૦ હેક્ટરમાં દિવેલા, ૪૩૦ હેક્ટરમાં સોયાબીન, ૧,૨૦,૫૮૬ હેક્ટરમાં કપાસ (પિયત), ૧૪,૮૯૦ હેક્ટરમાં કપાસ (બિનપિયત) ૧૮૯૫ હેક્ટરમા શાકભાજી, ૧૧,૨૩૩ હેક્ટરમાં ઘાસચારો, ૧૮૦ હેક્ટરમાં અન્ય પાકો ફળ પાકોનું વાવેતર કરવામાં આવ્યું છે. મોરબી જિલ્લામાં આગામી સમયમાં પણ સારા વરસાદના પગલે બાકી વિસ્તારમાં ટૂંક સમયમાં ખરીફ પાકોનું વાવેતર કરવામાં આવશે.