મોરબી આર્યભટ્ટ લોક વિજ્ઞાન કેન્દ્ર દ્રારા યુવાનોને ડ્રગ્સથી દુર રહેવા સંકલ્પ લેવડાવાયો
Morbi Today
મોરબીના લીલાપર કેનાલ રોડ એક્ટિવાને કાર ચાલકે હડફેટે લેતા પિતાની નજર સામે પુત્રનું મોત
SHARE
JOIN OUR GROUP
મોરબીના લીલાપર કેનાલ રોડ એક્ટિવાને કાર ચાલકે હડફેટે લેતા પિતાની નજર સામે પુત્રનું મોત
મોરબીના લીલાપર કેનાલ રોડ ઉપર લાડલી પાર્ટી પ્લોટ સામેથી પસાર થતા એક્ટિવાને કાર ચાલકે અડફેટે લીધું હતું જેથી એકટીવા ઉપર જતા પિતા-પુત્રમાંથી પુત્રને ગંભીર ઇજાઓ થઇ હોવાથી તેનું ઘટના સ્થળે જ પિતાની નજર સામે જ મોત નીપજ્યું હતું અને મૃતક યુવાનના પિતાને ઇજાઓ થઇ હોવાથી તેને સારવાર માટે ખસેડાયા હતા અને હાલમાં મૃતક યુવાનના મિત્ર દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
જાણવા મળતી વિગત પ્રમાણે મોરબીના રવાપર ગામે આસોપાવલ સોસાયટી બ્લોક નંબર ૩૦૧ માં રહેતા શૈલેષભાઈ ઉર્ફે લાલાભાઇ પ્રભુભાઈ વિઠલાપરા જાતે પટેલ (૩૫)એ હાલમાં મોરબી તાલુકા પોલીસ સ્ટેશન ખાતે કાર ચાલકની સામે ફરિયાદ નોંધાવી છે જેમાં તેમણે જણાવ્યું છે કે મોરબીના રવાપર રોડ ઉપર એપલ એપાર્ટમેન્ટના બ્લોક નં- ૩૦૧ માં રહેતા તેના મિત્ર દિવ્યેશભાઈ કેશવજીભાઇ પટેલ અને તેના પિતા કેશવજીભાઇ પટેલ બંને એકટીવા નંબર જીજે ૩ ડીક્યૂ ૫૬૦૭ લઈને જોધપર ગામથી પોતાના ઘર તરફ જઈ રહ્યા હતા ત્યારે લીલાપર કેનાલ રોડ ઉપર લાડલી પાર્ટી પ્લોટ પાસે પહોંચતા સામેથી આવતી ફોરવીલ કાર નંબર જીજે ૩૬ એલ ૪૮૬૫ ના ચાલકે પોતાના વાળી કાર પૂરઝડપે બેફિકરાઈથી ચલાવીને એક્ટિવાને સામેથી હડફેટે લેતા અકસ્માત સર્જાયો હતો અને તેમાં દિવ્યેશભાઈ પટેલને માથાના ભાગે ગંભીર ઇજાઓ થતાં તેનું ઘટના સ્થળે તણા પિતાની નજર સામે મોત નિપજ્યું હતું અને તેના પિતા કેશવજીભાઇ પટેલને પેટના ભાગે અને બંને પગના ભાગે ગંભીર ઈજા થઈ હોવાથી તેને સારવારમાં ખસેડવામાં આવેલ છે અને અકસ્માત સર્જીને કાર ચાલક પોતાની કાર લઇને ત્યાંથી નાસી ગયો હતો જેથી કરીને મૃતક યુવાનના મિત્ર શૈલેષભાઈએ નોંધાવેલી ફરિયાદના આધારે પોલીસે કાર ચાલકની સામે ગુનો નોંધીને અકસ્માત સર્જનાર કારચાલકને પકડવા માટે થઈને તજવીજ શરૂ કરી છે.
