હળવદ ધાંગધ્રા હાઈવે ઉપર બાઈક સ્લીપ થતાં ઇજા પામેલા યુવાનનું મોત: ગુનો નોંધાયો

હળવદ ધાંગધ્રા હાઈવે ઉપર આવેલ પેપરમીલ પાસેથી પસાર થતું બાઈક સ્લીપ થઈ ગયું હતું જેથી કરીને બાઇક ચાલક યુવકને કપાળ અને શરીરે ગંભીર ઇજાઓ થવાના કારણે તેનું મોત નીપજયું હતું જેથી હાલમાં અકસ્માતના આ બનાવમાં મૃતક યુવાનના ભાઈની ફરિયાદ લઈને પોલીસે ગુનો નોંધી આગળની રાબેતા મુજબની કાર્યવાહી હાથ ધરેલ છે

જાણવા મળતી વિગત પ્રમાણે મૂળ છોટાઉદયપુર તાલુકાના લીમડી ફળિયાના રહેવાસી અને હાલમાં હળવદ તાલુકામાં રમેશભાઈ સવજીભાઈ કંઝારીયાની વાડી રહીને મજૂરીકામ કરતા ટીનાભાઇ અટુભાઈ નાયક જાતે આદિવાસી (ઉમર ૨૫)એ હાલમાં તેના ભાઈ રમેશભાઈ અટુભાઈ નાયક (ઉંમર ૩૫) સામે ફરિયાદ નોંધાવેલ છે જેમાં તેમણે જણાવ્યું છે કે, હળવદ ધાંગધ્રા હાઈવે ઉપર એસ્ટ્રોન પેપર મીલ પાસેથી તેનો ભાઈ રમેશ બાઇક નંબર જીજે ૬ એફએમ ૯૦૨૦ લઈને પસાર થઈ રહ્યો હતો ત્યારે તેનું બાઈક સ્લીપ થઈ ગયું હતી જેથી રમેશભાઈને કપાળે અને શરીરે ગંભીર ઇજાઓ થઇ હોવાથી તેનો મોત નીપજયું હતું હાલમાં મૃતક યુવાનના ભાઈની ફરિયાદ લઈને પોલીસે ગુનો નોંધી રાબેતા મુજબની કાર્યવાહી હાથ ધરેલ છે