મોરબીના બેલા ગામે કારખાનાના લેબર કવાટ પાસે ગટરની કુંડીમાં પડી જતા ત્રણ વર્ષના બાળકનું મોત
Morbi Today
મોરબી તાલુકાના ગ્રામ્ય વિસ્તારમાંથી સગીરાનું અપહરણ
SHARE
JOIN OUR GROUP
મોરબી તાલુકાના ગ્રામ્ય વિસ્તારમાંથી સગીરાનું અપહરણ
મોરબી તાલુકાના ગ્રામ્ય વિસ્તારમાં ખેતીમાં મજૂરી કામ કરીને રોજગારી મેળવવા માટે છોટાઉદેપુરથી આવેલા મજુર પરિવારની સગીર વયની દિકરીનું અપહરણ કરવામાં આવેલ છે.જેથી હાલમાં ભોગ બનેલ સગીરાના પિતા દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે અપહરણ તેમજ પોકસો એકટ મુજબ ગુનો નોંધીને આરોપીને પકડવા માટે અને સગીરાને શોધવા માટે તજવીજ શરૂ કરેલ છે.
મોરબીની આસપાસમાં વિશ્વકક્ષાનો ઉદ્યોગ પથરાયેલો છે તેની સાથોસાથ ખેતીમાં પણ મોટા પ્રમાણમાં મોરબી જિલ્લાની અંદર બહારથી મજુર પરિવારો પેટીયુ રળવા આવે છે.રાજ્યના જુદાજુદા જિલ્લાઓ તેમજ અન્ય રાજ્યોમાંથી લોકો અહીંયા રોજગારી મેળવવા માટે આવતા હોય છે તેવી જ રીતે મોરબી તાલુકાના ગ્રામ્ય વિસ્તારમાં ખેતીમાં રોજગારી મેળવવા માટે થઈને છોટાઉદેપુરનો એક પરિવાર મોરબી આવ્યો હતો અને તે પરિવારની સગીર વયની દિકરીનું અપહરણ કરવામાં આવ્યું છે જેથી હાલમાં ભોગ બનેલ સગીરાના પિતા દ્વારા મોરબી તાલુકા પોલીસ સ્ટેશન ખાતે એક ઇસમની સામે ફરીયાદ નોંધાવતા પોલીસે અપહરણ, પોક્સો સહિતની કલમો હેઠળ ગુનો નોંધીને આરોપીને પકડવા માટે અને સગીરાને શોધવા માટે થઈને તપાસ શરૂ કરેલ છે.
વાહન અકસ્માતમાં ઈજા
મોરબીના બોરીયાપાટી વિસ્તારમાં આવેલ મેઘાણીની વાડીમાં રહેતો યશવંત છગનભાઈ ડાભી નામનો ૧૭ વર્ષીય યુવાન બાઈક લઇને જતો હતો.ત્યારે તેનું બાઈક સ્લીપ થઈ જતા ઇજાગ્રસ્ત યશવંતને અહીંની ક્રિષ્ના હોસ્પિટલમાં સારવાર માટે લાવવામાં આવ્યો હતો.જ્યારે ઉત્તરપ્રદેશના ગાજીપુરના કાળાપીપર ગામે દુર્ગા કોલોનીમાં રહેતો અને હાલ મોરબી રહેતો કૈલાશ નારણભાઈ ગરબદસિંગ નામનો ૨૫ વર્ષીય યુવાન મોરબીના જેતપર રોડ પાવડીયારી નજીકથી પોતાના બાઈકમાં જતો હતો ત્યારે તેનું બાઇક પણ સ્લીપ થઇ જતાં ઇજાગ્રસ્ત કૈલાસને પણ સારવાર માટે ખસેડવામાં આવ્યો હતો.
મારામારીમાં ઇજા
મોરબીની ધર્મનગર સોસાયટી વાવડી રોડ ઉપર રહેતા શિલ્પાબેન જેઠાભાઇ જાકાસણીયા નામની ૨૩ વર્ષીય યુવતીને ઘર પાસે કોઈ બાબતે મારામારીમાં ઇજા થતાં ઇજાગ્રસ્ત હાલતમાં સિવિલ હોસ્પિટલે સારવાર માટે લાવવામાં આવી હતી.જ્યારે ધાંગધ્રા તાલુકાના કંકાવટી ગામનો રહેવાથી કાળુભાઈ નરસીભાઈ મોરી નામનો ૨૯ વર્ષનો યુવાન મોરબીના કેરાડી ગામ તરફ બાઈક લઈને જતો હતો ત્યારે કેરાડી પાસે તેનું બાઇક સ્લીપ થઇ જતાં ઇજાગ્રસ્ત કાળુભાઈ મોરીને અહીંની ક્રિષ્ના હોસ્પિટલમાં સારવાર માટે લવાયો હતો.
