હળવદની સીમમાં આવેલ વાડીમાં ઘોડીપાસાનો જુગાર રમતા ચાર ૧.૪૮ લાખની રોકડ સાથે પકડાયા

હળવદ ગામની સીમમાં આવેલ વાડીમાંથી ઘોડીપાસાનો જુગાર રમતા હોવાની માહિતી મોરબી જિલ્લા એલ.સી.બી.ની ટીમને મળી હતી જેના આધારે રેડ કરીને પોલીસે ચાર આરોપીઓને ઘોડીપાસા રમતા ઝડપી લીધા છે અને તેની પાસેથી રોકડા ૧,૪૮,૦૦૦ નો મુદામાલ કબજે કરેલ છે

મોરબી એલ.સી.બી.ના નિરવભાઇ મકવાણા તથા દશરથસિંહ પરમારને મળેલ હકીકત આધારે હળવદ ગામની સીમમાં ટીકર રોડ ઉપર આવેલ મકારી હનુમાનજીના મંદિર પાછળ આવેલ સીમમાં રેડ કરવામાં આવી હતી ત્યારે વાડીમાં પતરાના ઢાળીયા નીચે આરોપી સત્તારભાઇ એહમદભાઇ ઘાચી હળવદ વાળો બહારથી માણસો બોલાવી ઘોડીપાસાનો જુગાર રમાડતો હતો જેથી પોલીસે સત્તારભાઇ એહમદભાઇ લોલાડીયા જાતે ઘાચી રહે. હળવદ, નવીપોસ્ટ ઓફીસ પાછળ, ઉમીયા એપાર્ટમેન્ટની બાજુમાંમ સામતભાઇ રામજીભાઇ ઝાપડા જાતે ભરવાડ રહે. હળવદ અન્નક્ષેત્રપાછળ, કરાચી કોલોની, હસમુખભાઇ પ્રભુભાઇ ગણેશીયા જાતે કોળી રહે. હળવદ કરાચીકોલોની, રામાપીરના મંદિરની બાજુમાં અને મહેશભાઇ લાલજીભાઇ પઢેરીયા જાતે રબારી રહે. ધ્રાંગધ્રા, મયુરનગર, હળવદ રોડ વાળાને રોકડ ૧,૪૮,૦૦૦ તથા ઘોડીપાસા કબ્જે કરેલ છે અને હળવદ તાલુકા પોલીસ સ્ટેશને ગુનો નોંધાવ્યો છે