મોરબીના જેતપર રોડે અકસ્માત સર્જીને યુવાનનું મોત નિપજાવનારા ક્રેન ચાલકની ધરપકડ
SHARE
JOIN OUR GROUP
મોરબીના જેતપર રોડે અકસ્માત સર્જીને યુવાનનું મોત નિપજાવનારા ક્રેન ચાલકની ધરપકડ
મોરબીના જેતપર રોડ ઉપર રોડની સાઇડમાં બાઇક પાસે ઉભેલા ૧૭ વર્ષીય પરપ્રાંતીય મજૂર યુવાનને ક્રેનના ચાલકે હડફેટે લીધો હતો જેથી તેનું ઘટના સ્થળે જ મોત નીપજયું હતું જેની ફરિયાદ મોરબી તાલુકા પોલીસ સ્ટેશને નોંધાઈ હતી જેના આધારે પોલીસે હાલમાં આરોપીની ધરપકડ કરેલ છે.
જાણવા મળતી માહિતી મુજબ મોરબીના જેતપર રોડ ઉપર સનફેમ સિરામિક નજીક મોટરસાયકલ નંબર જીજે ૧ ડીએમ ૩૦૬૬ ને રોડની કિનારી પાસે પાર્ક કરીને બાઇકની પાસે ઉભેલા શિવકુમાર કામતાભાઈ પ્રજાપતિ જાતે કુંભાર (ઉમર ૧૭) હાલ રહે. જીવાપર (ચકમપર) ની સીમમાં આવેલ લેકટોસ સિરામિકની લેબર કોલોનીમાં મૂળ ઉત્તરપ્રદેશ વાળાને પીળા કલરના ક્રેનના ચાલકે હડફેટે લીધો હતો જેથી અકસ્માત સર્જાયો હતો અને શિવકુમાર કામતાભાઇ પ્રજાપતિનું મોત નીપજ્યું હતુ. અને આ બનાવ સંદર્ભે અરવિંદ ઠાકુરદાસ પ્રજાપતિ કુંભાર (૨૧) રહે. જીવાપર (ચકમપર) મોરબી મૂળ રહે. રાઠ અમરોલીયા વિસ્તાર તા.રાઠ જી.હમીરપુર ઉત્તરપ્રદેશ વાળાએ અજાણ્યા પીળા કલરના ક્રેનના ચાલક વિરૂદ્ધ તાલુકા પોલીસ મથક ખાતે ફરિયાદ નોંધાવી હતી જેના આધારે મોરબી તાલુકા પીએસઆઇ વી.કે.કોઠીયા અને તેની ટિમ દ્વારા મુનિલ કપિલ ખટવાલ (૩૦) રહે, શિવ કાંટા પાસે ધારા ક્રેનની ઓફિસ રંગપર વાળાની ધરપકડ કરેલ છે
