માળીયા(મી)માંથી સિંગલ બેરલની જામગરી બંદુક સાથે એક શખ્સની ધરપકડ

12-02-2022 10:50 AM

માળીયા(મી)માંથી સિંગલ બેરલની જામગરી બંદુક સાથે એક શખ્સની ધરપકડ

માળીયા મીયાણા પોલીસ સ્ટેશનની હદમાંથી ગેરકાયદેસર સિંગલ બેરલની જામગરી બંદુક સાથે પોલીસે એક શખ્સની ધરપકડ કરેલ છે અને તેની સામે આર્મ્સ એક્ટ હેઠળ ગુનો નોંધીને પોલીસે આગળની કાર્યવાહી કરેલ છે.

જાણવા મળતી માહિતી મુજબ માળીયાના કોન્સટેબલ ક્રિપાલસિંહ વનરાજસિંહ ચાવડા તથા ભગીરથસિંહ વિજયસિંહ ઝાલાને મળેલ બાતમી આધારે માળીયા (મી)ના વાડા વિસ્તાર ફાટકથી આગળ વાડા વિસ્તાર તરફ જવાના રસ્તે આરોપીના હવાલાવાળી કારમાથી ગેરકાયદે સિંગલ બેરલની જામગરી બંદુક મળી આવી હતી જેથી પોલીસે આરોપી ઇકબાલભાઇ ઇલીયાસભાઇ ભટ્ટી જાતે મિયાણા (ઉ.૩૬) રહે. ભટ્ટીની વાંઢ વાડા વિસ્તારની પાછળ માળીયા વાળાની ધરપકડ કરેલ છે અને તેની પાસેથી ૩૦૦૦ ની કિંમતની બંદૂક તેમજ અલ્ટો કાર નં જીજે ૩૬ ૮૨૩૦ જેની કિંમત એક લાખ રૂપિયા આમ કુલ મળીને ૧,૦૩,૦૦૦ નો મુદામાલ કબજે કર્યો છે આ કામગીરી પીએસઆઈ બી.ડી.જાડેજા, ક્રિપાલસિંહ વનરાજસિંહ ચાવડા, ગીરીશભાઇ મારૂણીયા, વિશ્વરાજસિંહ પ્રવિણસિંહ ઝાલા, સંજયભાઇ દીલીપભાઇ રાઠોડ, મહેન્દ્રસિંહ ભુપતસિંહ ચુડાસમા, યુવરાજસિંહ નીરુભા જાડેજા, ભગીરથસિંહ વિજયસિંહ ઝાલાએ કરી હતી.