ટંકારાનાં ઓટાળામાં વૃધ્ધની જમીન ઉપર દબાણ કરનારા પાંચ સામે લેન્ડ ગ્રેબિંગની ફરિયાદ
Morbi Today
વાંકાનેરના માટેલ રોડે અમરધામ પાસેથી ૮ બોટલ દારૂ સાથે એક પકડાયો
SHARE
JOIN OUR GROUP
વાંકાનેરના માટેલ રોડે અમરધામ પાસેથી ૮ બોટલ દારૂ સાથે એક પકડાયો
વાંકાનેર તાલુકાના માટેલ રોડ ઉપરથી બાઇક લઇને પસાર થઇ રહેલા યુવાનને રોકીને પોલીસે ચેક ક્કરયો હતો ત્યારે તેની પાસેથી દારૂની ૮ બોટલો મળી આવી હતી જેથી કરીને દારૂ અને વાહન મળીને ૨૮૦૦૦ રૂપિયાના મુદ્દામાલ સાથે પોલીસે હાલમાં એક શખ્સની ધરપકડ કરી તેની પાસે દારૂનો જથ્થો ક્યાંથી આવ્યો હતો તે દિશામાં તપાસ શરૂ કરી
જાણવા મળતી વિગતો પ્રમાણે વાંકાનેર તાલુકાના માટેલ રોડ ઉપર અમરધામ પાસેથી બાઇક નંબર જીજે ૧૩ ઇપી ૪૧૬૯ લઈને યુવાન પસાર થઈ રહ્યો હતો ત્યારે તે બાઇકને રોકીને પોલીસે ચેક કરતાં બાઇક ચાલક પાસેથી દારૂની ૮ બોટલો મળી આવી હતી જેથી કરીને પોલીસે ત્રણ હજાર રૂપિયાની કિંમતનો દારૂ તેમજ ૨૫ હજાર રૂપિયાની કિંમતનો બાઈક આમ કુલ મળીને ૨૮૦૦૦ રૂપિયાના મુદ્દામાલ સાથે મેહુલ રેવાભાઇ રાઠોડ (ઉ.૨૩) રહે. વેલાળા તાલુકો મુળી જિલ્લો સુરેન્દ્રનગર વાળાની ધરપકડ કરેલ છે અને તેની પાસે દારૂની બોટલો ક્યાંથી આવી હતી તે દિશામાં તપાસ શરૂ કરવામાં આવી છે
એક બોટલ દારૂ
મોરબીના રવાપર ઘુનડા રોડ ઉપર આવેલ ઉજ્વલા ફાર્મ પાસેથી પસાર થઈ રહેલા યુવાનને રોકીને પોલીસે ચેક કરતા તેની પાસેથી દારૂની એક બોટલ મળી આવી હતી જેથી કરીને ૩૦૦ રૂપિયાની કિંમતના દારૃ સાથે પોલીસે હાલમાં પોપટભાઈ જગાભાઈ ટોયટા જાતે ભરવાડ (ઉં.૨૪) રહે. પંચાસર રોડ ગીતા ઓઇલ મીલ પાસે મૂળ રહે. બાદનપર વાળાની ધરપકડ કરેલ છે અને તેની પાસે આ દારૂની બોટલ ક્યાંથી આવી હતી તે દિશામાં તપાસ શરૂ કરી છે
અકસ્માત
ગાંધીધામ તાલુકાનાં આદીપુરમાં વોર્ડ નં.-૩(એ)માં મૈત્રી સ્કુલ પાછળના ભાગે રહેતા શંભુભાઈ જીવાભાઈ ડાંગર જાતે આહીર (ઉં.૪૧)એ હાલમાં ટ્રક-ટેન્કર નં જીજે ૧૨ બીએક્સ ૬૨૨૭ ના ચાલક ચેનાભાઈ જાવાભાઈ વજીર રહે. રોડાસન તાલુકો સુઈ જિલ્લો બનાસકાઠા વાળાની સામે ફરિયાદ નોંધાવી છે જેમાં તેને જણાવ્યુ છે કે, માળીયા-હળવદ હાઈવે પર અણીયારી ટોલનાકાથી હળવદ બાજુ સાઈનમાઈકાના કારખાના સામેથી આરોપી પોતાના હવાલા વાળું ટ્રક ટેન્કર લઈને જતો હતો ત્યારે આગળના વાહન ચાલકે બ્રેક મારતા આરોપીએ ટ્રક ટેન્કરને રોડની સાઈડમા ઉતારી દેતા તેમાં ભરેલ તેલ ધોલાઈ ગયું હતું અને ટ્રક ટેન્કર ગટરમા પલટી ખાઈ જતા અક્સ્માત સર્જાયો હતો
