કામમાં રસ છે કે નામમાં ?: મોરબી જિલ્લાના જુદાજુદા રોડ મંજૂર થતાની સાથે જ વિવાદ !
Morbi Today
કોરોનાની ગાડી ટોપ ગિયરમાં, સતત ત્રીજા દિવસે બેવડી સેન્ચ્યુરી: મોરબી જીલ્લામાં વધુ ૨૫૧ કેસ
SHARE
JOIN OUR GROUP
કોરોનાની ગાડી ટોપ ગિયરમાં, સતત ત્રીજા દિવસે બેવડી સેન્ચ્યુરી: મોરબી જીલ્લામાં વધુ ૨૫૧ કેસ
મોરબી જિલ્લામાં કોરોના હાલમાં ટોપ ગિયરમાં છે અને દરરોજ કોરોના બેવડી સદી કરી રહ્યો હોય તેવો ઘાટ જોવા મળી રહ્યો છે ત્યારે મોરબી જિલ્લાના પાંચ તાલુકામાં કોરોનાના નવા ૨૫૧ કેસ નોંધાયેલા છે અને હાલમાં ત્રીજા રાઉન્ડમાં મોરની જીલ્લામાં જે કોરોનાના નવા કેસ આવી રહ્યા છે
મોરબી જિલ્લામાં કોરોનાના નવા કેસમાં સતત વધારો થઈ રહ્યો છે તો પણ લોકોની બેદરકારી યથાવત જ હોય તેવો ઘાટ હાલમાં મોરબી જીલ્લામાં જોવા મળી રહ્યો છે ત્યારે કોરોના કેવી રીતે કંટ્રોલમાં આવશે તે સૌથી મોટો સવાલ છે ગઇકાલે આરોગ્ય વિભાગ દ્વારા આપવામાં આવેલ માહિતી મુજબ જિલ્લામાથી ૧૬૨૫ લોકોના કોરોના ટેસ્ટ માટે સેમ્પલ લેવામાં આવ્યા હતા. જેમાંથી કોરોનાના નવા ૨૫૧ કેસ આવ્યા છે જેથી કરીને જિલ્લામાં એક્ટિવ કેસની સંખ્યા હાલમાં ૧૩૮૬ થયેલ છે ગઇકાલે જે કેસ આવેલ છે તેની તાલુકા અને શહેર વાઇઝ માહિતી ઉપર નજર કરીએ તો મોરબી ગ્રામ્ય ૮૩, મોરબી શહેર ૧૦૪, વાંકાનેર ગ્રામ્ય ૫, વાંકાનેર શહેર ૭, હળવદ ગ્રામ્ય ૭, હળવદ શહેર ૧૨, ટંકારા ગ્રામ્ય ૨૬, માળિયા ગ્રામ્ય ૭ કેસ નોંધાયા છે
જીગ્નેશ કૈલાને કોરોના પોઝિટિવ
મોરબી જિલ્લા પંચાયતના ઉપ પ્રમુખ જાનકીબેન કૈલાના પતિ અને ભાજપ અગ્રણી જીગ્નેશ કૈલાને કોરોનાના લક્ષણો જણાતા તેને રિપોર્ટ કરાવ્યો હતો જેમાં તેને રિપોર્ટ પોઝિટિવ આવેલ છે માટે તે ઘરે જ સારવાર લઈ રહ્યા છે જો કે, સોશિયલ મીડિયાથી આ અંગેની તેને જાણ કરી હતી અને તેના સંપર્કમાં આવેલા લોકોને કોરોના ટેસ્ટ કરાવવા માટે તેને અનુરોધ કર્યો છે
