હળવદના બુટવડા ગામે જુગાર રમતા 5 શખ્સ ઝડપાયા

હળવદના બુટવડા ગામની સીમમાં નદીના કાંઠે જુગારની રેડ કરવામાં આવી હતી ત્યારે 5 શખ્સો જુગાર રમતા મળી આવ્યા હતા જેથી પોલીસે 51,300 ની રોકડ કબજે કરી હતી જુગારનો ગુનો નોંધીને આગળની કાર્યવાહી કરેલ છે.

હળવદ તાલુકા પોલીસની ટીમ દ્વારા બુટવડા ગામની સીમમાં નદીના કાંઠે જુગારની રેડ કરવામાં આવી હતી ત્યારે શામજીભાઈની વાડીના સેઢા પાસે જુગાર રમતા શામજીભાઈ મોહનભાઈ લોદરીયા (45), ગણેશભાઈ શંકરભાઈ લોદરીયા (52), મહેશભાઈ કાનજીભાઈ ઉડેચા (35), તુલસીભાઈ ચતુરભાઈ સુરાણી (42) અને મેરાભાઈ લખમણભાઇ નંદેસરિયા (39) રહે. બુટવડા વાળા જુગાર રમતા મળી આવ્યા હોય પોલીસે તેની પાસેથી 51,300 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે.

વરલી જુગાર

મોરબીના જુના બસ સ્ટેશનની પાછળના ભાગમાં વરલી જુગારની રેડ કરવામાં આવી હતી ત્યારે ત્યાં સ્થળ ઉપરથી વરલીના આંકડા લેતા રાહુલ દિનેશભાઈ દેગામા (20) રહે. ઘાંચી શેરી, મોરબી વાળો મળી આવ્યો હોય પોલીસે તેની પાસેથી 650 રૂપિયાની રોકડ કબજે કરી હતી અને એ ડિવિઝન પોલીસ સ્ટેશને ગુનો નોંધીને આગળની કાર્યવાહી કરેલ છે.