વાંકાનેરના સરતાનપર રોડે બંધ પડેલા ટ્રકને રીપેર કરતાં સમયે માથા ઉપર જોઇન્ટ પડતાં ઇજા પામેલા યુવાનનું મોત

વાંકાનેરના સરતાનપર રોડ ઉપર આવેલ ટીટા ચોકડી પાસે બંધ પડેલા ટ્રકની નીચે જઈને યુવાન રીપેરીંગ કામ કરી રહ્યો હતો દરમિયાન તેના માથા ઉપર ટ્રકની જોઇન્ટ પડવાના કારણે યુવાનને માથામાં ગંભીર ઇજા થઈ હતી જેથી તેને પ્રથમ સારવાર માટે રફાળેશ્વર પાસે આવેલ ખાનગી હોસ્પિટલમાં લઈને આવ્યા હતા ત્યાર બાદ ત્યાંથી વધુ સારવાર માટે તેને અમદાવાદ લઈ જતા હતા દરમ્યાન રસ્તામાંથી યુવાનનું મોત નીપજયું હતું જેથી અકસ્માત મૃત્યુના આ બનાવની વાંકાનેર તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મોરબી તાલુકાના મકનસર ગામે રહેતો પિયુષભાઈ ભીખુભાઈ ભરડા (22) નામનો યુવાન વાંકાનેર તાલુકાના સરતાનપર રોડ ઉપર આવેલ ટીટા ચોકડી નજીક બંધ પડેલા ટ્રકને રીપેર કરવા માટે થઈને ટ્રકની નીચે જઈને રીપેરીંગ કામ કરી રહ્યો હતો દરમિયાન ટ્રકની જોઈન્ટ તેના માથા ઉપર પડવાના કારણે તે યુવાનને ગંભીર ઈજા થઈ હતી જેથી તે યુવાનને પ્રાથમિક સારવાર માટે રફાળેશ્વર ગામ નજીક આવેલ ખાનગી હોસ્પિટલમાં લઈ ગયા હતા ત્યારબાદ વધુ સારવાર માટે તેને અમદાવાદ લઈને જઈ રહ્યા હતા જોકે રસ્તામાં તે યુવાનનું મોત નિપજ્યું હતું જેથી કરીને તેના મૃતદેહને વાંકાનેરની સરકારી હોસ્પિટલ ખાતે લઈને આવ્યા હતા અને ત્યારબાદ આ બનાવની હોસ્પિટલ મારફતે વાંકાનેર તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે.