મોરબીના નગર દરવાજા ચોક પાસે ઈકો ગાડીના ચાલકે હડફેટે લેતા મહિલાનું મોત
Morbi Today
વાંકાનેર પાસે ચોરાઉ સી.એન.જી. રિક્ષા સાથે શખ્સ ઝબ્બે
SHARE
JOIN OUR GROUP
વાંકાનેર પાસે ચોરાઉ સી.એન.જી. રિક્ષા સાથે શખ્સ ઝબ્બે
વાંકાનેર તાલુકાના લાલપર ગામેથી બે દિવસ અગાઉ ચોરાયેલી સીએનજી રીક્ષાનો ભેદ ઉકેલવામાં વાંકાનેર સીટી પોલીસને સફળતા મળી છે, જેમાં પોલીસે ખાનગી બાતમીના આધારે મોરબીથી વાંકાનેર તરફ આવતા એક શખ્સને ચોરાયેલી રીક્ષા સાથે ઝડપી પાડીને કાયદેસરની કાર્યવાહી હાથ ધરવામાં આવી છે.
આ બાબતે પ્રાપ્ત વિગતો અનુસાર બે દિવસ પૂર્વે વાંકાનેર લાલપર ગામેથી એક સીએનજી રીક્ષાની ચોરી થઇ હોય જે અંગે વાંકાનેર સીટી પોલીસમાં ફરિયાદ નોંધાતા પોલીસે ગુનો નોંધીને તપાસનો ધમધમાટ શરૂ કર્યો હતો. આ દરમિયાન પોલીસને ખાનગી રાહે ચોક્કસ બાતમી મળી હતી કે, એક શંકાસ્પદ રીક્ષા ચાલક મોરબીથી વાંકાનેર તરફ આવી રહ્યો છે, જેના આધારે પોલીસે વોચ ગોઠવીને શંકાસ્પદ રીક્ષાને અટકાવી હતી અને ચાલકની સઘન પૂછપરછ કરી હતી.પોલીસની કડક પૂછપરછમાં આરોપી સોહિલ સતારભાઇ દલ (રહે. મકાન નં.210, પ્રધાનમંત્રી આવાસ, દલવાડી સર્કલ, મોરબી અને મુળ રહે. કલ્યાણપર, તા. ટંકારા) એ પોતે જ આ રીક્ષા ચોરી હોવાની કબુલાત આપી હતી. આરોપીની કબુલાત બાદ પોલીસે રૂા.50 હજારની કિંમતની એક બજાજ ઓટો સીએનજી રીક્ષા કબજે કરી છે. પોલીસે આરોપીની અટકાયત કરી આગળની ધોરણસરની કાર્યવાહી હાથ ધરી છે.
વાંકાનેર સીટી પોલીસની આ કામગીરીમાં પીઆઇ વી.એસ. સિંધવના માર્ગદર્શન હેઠળ હેડ કોન્સ. યશપાલસિંહ પરમાર, વિરેન્દ્રસિંહ ઝાલા, વિશ્ર્વરાજસિંહ ઝાલા, રાણીંગભાઇ ખવડ, દર્શીતભાઇ વ્યાસ, હિતેન્દ્રસિંહ ઝાલા અને જગદીશભાઇ રંગપરા સહિતનો પોલીસ સ્ટાફ જોડાયો હતો.
