મોરબી નજીક કારખાનાની રૂમમાં ગળાફાંસો ખાઈને યુવતીનો આપઘાત, કાયાજી પ્લોટ વિસ્તારમાં ઘરમાં બેભાન થઈ ગયેલ યુવાનનું મોત
SHARE
JOIN OUR GROUP
મોરબી નજીક કારખાનાની રૂમમાં ગળાફાંસો ખાઈને યુવતીનો આપઘાત, કાયાજી પ્લોટ વિસ્તારમાં ઘરમાં બેભાન થઈ ગયેલ યુવાનનું મોત
મોરબીના રાજપર રોડ ઉપર આવેલ કારખાનામાં રહીને મજૂરી કામ કરતા આધેડની દીકરીએ રૂમની અંદર ગળાફાંસો ખાઈને આપઘાત કરી લીધો હતો જોકે, કાયાજી પ્લોટ વિસ્તારમાં આવેલ એપાર્ટમેન્ટના ફ્લેટમાં રહેતો યુવાન પોતાના ઘરની અંદર બેભાન થઈ ગયેલો હોય તેને હોસ્પિટલે લઈ જતા ડોક્ટર તેને જોઈ તપાસીને મૃત જાહેર કર્યો હતો આ બંને બનાવની એ ડિવિઝન પોલીસે બનાવની નોંધ કરી આગળની કાર્યવાહી હાથ ધરી છે
મૂળ ઝારખંડના રહેવાસી અને હાલમાં મોરબી નજીક રાજપર રોડ ઉપર આવેલ દેવ પોલીસ પ્લાન્ટ ખાતે રહેતા વીરસિંહ ચામ્પિયાની 22 વર્ષની દીકરી શિવાની એ કોઈ અગમ્ય કારણોસર કારખાનાની રૂમમાં લોખંડની પાઇપ સાથે ચુંદડી બાંધીને ગળાફાંસો ખાઈ લીધો હતો જેથી કરીને તેનું મોત નીપજ્યું હતું ત્યાર બાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની મોરબી એ ડિવિઝન પોલીસ સ્ટેશન ખાતે જાણ કરતા પોલીસે આગળની કાર્યવાહી હાથ ધરી છે જયારે મૂળ ગીર સોમનાથ જિલ્લાના રહેવાસી અને હાલમાં મોરબીના કાયાજી પ્લોટ શેરી નંબર 4 માં આવેલ રુચિત રેસીડેન્સી ખાતે રહેતા સ્મિતકુમાર ગજાનંદભાઈ ઉપાધ્યાય (25) નામનો યુવાન પોતાના ઘરની અંદર બેભાન હાલતમાં મળી આવ્યો હતો જેથી કરીને તેને તાત્કાલિક સારવાર માટે મોરબીની આયુષ હોસ્પિટલે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને આ બનાવની મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી . #morbi #મોરબી
