ફિલ્મી સ્ટંટ ?: મોરબીમાં બોલેરોમાં ભરેલ ઓવરલોડ માલમાંથી વસ્તુઓ પડું-પડું હોવા છતાં વાહન બેફામ ગતિએ રોડ ઉપર દોડતું રહ્યું ! સાબ્બાસ: દિલ્હીમાં અભ્યાસ કરતી રેપ પીડિત દીકરીની શિક્ષણ ફી મોરબીની મુસ્કાન વેલફેર સોસાયટી દ્વારા ભરવામાં આવી મોરબીમાં ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું આયોજન મોરબી જિલ્લામાં ખેડૂતોએ બિયારણ, ખાતર અને જંતુનાશક દવાઓની ખરીદી વખતે સાવચેતી રાખવા અનુરોધ મોરબી જિલ્લાના ૬,૩૨૭ થી વધુ ઉમેદવારોએ અનુબંધમ પોર્ટલથી કરાવી નોંધણી મોરબીના હજનાળી ગામે મંદિરમાંથી 9.91 લાખના આભૂષણો-છતરની ચોરી, તસ્કરોને પકડવા દોડધામ ટંકારા આઈ.ટી.આઈ. ખાતે ૧૯ નવેમ્બરે ભરતીમેળો યોજાશે ખેડૂતોને મળશે ભીડમાંથી મુક્તિ: મોરબી જિલ્લામાં ફર્ટિલાઈઝર વિતરણની નવી ડિજિટલ પહેલ: હવે FFS એપ દ્વારા ખાતરનું એડવાન્સ બુકિંગ કરી શકાશે
Breaking news
Morbi Today

મોરબીમાં બોગસ ડોક્યુમેન્ટ આધારે ખેડૂત તરીકે ખોટી ઓળખ ધારણ કરવાના ગુનામાં ફરાર આરોપી પકડાયો


SHARE







































મોરબીમાં બોગસ ડોક્યુમેન્ટ આધારે ખેડૂત તરીકે ખોટી ઓળખ ધારણ કરવાના ગુનામાં ફરાર આરોપી પકડાયો


મોરબીમાં ખોટા આધારકાર્ડ, પાન કાર્ડ અને વારસાઈ આંબો તૈયાર કરીને ખેડૂત તરીકે ખોટી ઓળખ ધારણ કરવાના ગુનામાં આઠ માસથી તેમજ દારૂના ગુનામાં છેલ્લા ત્રણ માસથી ફરાર ઇસમને પોલીસે પકડી પાડેલ છે.

મોરબીમાં નાસતા ફરતા આરોપીને દબોચી લેવા મોરબી એ ડીવીઝન મથકનો સર્વેલન્સ સ્ટાફ પેટ્રોલિંગમાં હતો તે દરમિયાન મળેલ બાતમી મુજબ તપાસ કરવામાં આવતા સીટી એ ડીવીઝનમાં થોડા સમય પહેલા બાબુભાઈ તળશીભાઈ ચાવડા રહે.મોરબી ભક્તિનગર સર્કલએ નોંધાવેલ ફરીયાદનો આરોપી પકડાયો હતો.જેમાં બાબુભાઇના પિતાજીના નામના બનાવટી આધાર કાર્ડ, પાન કાર્ડ, વારસાઈ પેઢી આંબો બનાવી ખોટા ખેડૂત ખાતેદાર તરીકે ઓળખ આપીને તે બોગસ આંબાનો ખરા તરીકે ઉપયોગ કરવાના ગુનામાં સંડોવાયેલ આરોપી દર્શિત પ્રવીણભાઈ મેવાડા (ઉમર ૩૦) રહે.ગુજરાત હાઉસિંગ બોર્ડ શનાળા રોડ મોરબી મૂળ રહે.હરીપર તા.લાલપુર જી.જામનગર વાળો મળી આવ્યો હતો.જેથી તેને ઝડપી લીધો હતો.આ ઇસમ આ ગુનામાં છેલ્લા આઠ માસથી ફરાર હતો તેમજ દારૂના એક ગુનામાં તે ત્રણ મહિનાથી ફરાર હતો.તેને પકડવામાં પોલીસને સફળતા મળી હતી.

મારામારીમાં ઇજા

મોરબીના વાંકાનેર હાઇવે ઉપર આવેલ જાંબુડીયા ગામે કારખાનાના લેબર કવાટર ખાતે મારામારીનો બનાવ બન્યો હતો.જે બનાવમાં ઇજાગ્રસ્ત થયેલા ગોલુ દેવેન્દ્રભાઈ શર્મા (૨૨), કુંદન અમરનાથ શર્મા (૨૨) અને કિશન અમરનાથ શર્મા (૧૮) ને ઇજાઓ થઈ હોય અહીંની સિવિલ હોસ્પિટલમાં સારવાર માટે લાવવામાં આવ્યા હતા બનાવને પગલે તાલુકા પોલીસ મથકના બળદેવભાઈ દેત્રોજા દ્વારા નોંધ કરી તપાસ કરવામાં આવી હતી.

યુવાન રાજકોટ ખસેડાયો

મોરબી-માળિયા હાઇવે ઉપર આવેલા વિરાટનગર પાસે ટ્રક પલ્ટી મારી જવાનો અકસ્માત બનાવ બન્યો હતો.આ બનાવમાં મુસ્તુભાઈ સુભાનભાઇ રાઉમા (૨૪) રહે.લાકડીયા કચ્છ ને ઇજા પહોંચી હતી.જેથી ઇજાગ્રસ્ત હાલતમાં તેને અહીંની સિવિલ હોસ્પિટલમાં સારવાર માટે લાવવામાં આવ્યો હતો.અત્રે તેને પ્રાથમિક સારવાર આપી હાલત નાજુક જણાતા વધુ સારવાર માટે તેને રાજકોટ ખસેડાયો હતો.હાલ બનાવ અંગે નોંધ થતા તાલુકા પોલીસ મથકના વિજયભાઈ મિયાત્રા દ્વારા આ બાબતે નોંધ કરીને આગળની તપાસ ચલાવવામાં આવી રહી છે
















Latest News