મોરબીના શનાળા ગામ પાસે કારખાનામાં ડોક ઉપર મશીન પડતા આધેડ ભાગીદારનું માથું ધડથી અલગ થઈ જતા ઘટના સ્થળે જ મોત
SHARE
JOIN OUR GROUP
મોરબીના સનાળા ગામ નજીક આવેલ શ્રીજી એસ્ટેટમાં શિવ શંકર પેકેજીંગ નામના કારખાનાની અંદર ભાગીદાર માથે અકસ્માતે ડોકના ભાગે મશીન પડ્યું હતું જેથી કરીને તેનું માથું ધડથી અલગ થઈ ગયું હતું અને અકસ્માતના આ બનાવમાં આધેડનું ઘટના સ્થળે જ મોત નીપજ્યું હતું અને આ બનાવની મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી.
મોરબીના સનાળા રોડ ઉપર આવેલ વૈભવનગર સોસાયટીમાં રહેતા અને સનાળા ગામ પાસે આવેલ અજંતા કારખાના નજીક શ્રીજી એસ્ટેટમાં શિવ શંકર પેકેજીંગ નામનું ભાગીદારીમાં કારખાનું ધરાવતા વિજયભાઈ ભાનુશંકર શીલુ (52) નામના આધેડ કારખાનાની અંદર સાંજના સાડા પાંચેક વાગ્યાના અરસામાં હતા ત્યારે અકસ્માતે ડોકના ભાગ ઉપર મશીન પડવાના કારણે તેઓનું માથું ધડથી અલગ થઈ ગયું હતું અને આધેડનું ઘટના સ્થળે જ મોત નીપજ્યું હતું. આ અકસ્માતના બનાવની મોરબી સીટી એ ડિવિઝન પોલીસ સ્ટેશન ખાતે જાણ કરવામાં આવતા પોલીસે અકસ્માતના બનાવની નોંધ કરી આગળની રાબેતા મુજબની કાર્યવાહી હાથ ધરી છે અને વધુમાં મળતી વિગત પ્રમાણે મૃતક આધેડને સંતાનમાં એક દીકરી અને એક દીકરો છે અને અકસ્માતના આ બનાવના કારણે બંને બાળકોએ પિતાની છત્ર છાયા ગુમાવી છે.
