મોરબી શહેર-તાલુકામાં વાહન-ઘરફોડ ચોરી કરતી ગેંગનો એક સાગરીત પકડાયોએલ 3 ની શોધખોળ

મોરબીના ધરમપુર રોડ ઉપરથી બાઇક લઈને શંકાસ્પદ હાલતમાં નીકળેલા શખ્સ પાસેથી ચોરાઉ બાઇક મળી આવ્યું હતું જેથી પોલીસે તેની વધુ પૂછપરછ કરતાં તે અને તેના સાથે અન્ય શખ્સો મળીને વાહન તેમજ ઘરફોડ ચોરીની ઘટનાને અંજામ આપતા જોવાનું સામે આવ્યું છે જેથી પોલીસે હાલમાં પકડાયેલા શખ્સની ગેંગના અન્ય 3 સાગરીતોને પકડવા માટે તજવીજ શરૂ કરેલ છે.

મોરબી તાલુકા પોલીસની ટીમ પેટ્રોલિંગમાં હતી ત્યારે મોરબીના ધરમપુર રોડ ઉપરથી એક શખ્સ શંકાસ્પદ હાલતમાં બાઈક લઈને પસાર થઈ રહ્યો હતો જેથી તેને રોકવામાં આવેલ હતો અને તેની પૂછપરછ કરતા તેની પાસે રહેલું બાઇક ચોરાઉ હોવાનું સામે આવ્યું હતું અને બાઈક નંબર જીજે 36 એક્યુ 6410 વાવડી ગામ પાસેથી ચોરી કરેલ હોવાનું તેને કાબુલ કર્યું હતું. અને આ ઉપરાંત તેના સાથીઓની સાથે મળીને વાવડી ગામે આવેલ સોસાયટીમાંથી પણ એક બાઈકની ચોરી કરી હોવાનું કાબુલ કર્યું હતું તેમજ પીપળી ગામ પાસે આવેલ સોસાયટીના ઘરમાંથી પણ ચોરી કરી હોવાનું કાબુલ કર્યું હતું જેથી પોલીસે હાલમાં બાઇક તથા અન્ય વસ્તુઓ મળીને 1,16,000 ની કિંમતનો મુદ્દામાલ પોલીસે કબજે કર્યો છે અને આરોપી મુકેશ ઇલામસિંગ સિંગાર (30) રહે. મૂળ ઘોરા કુકસી જીલ્લો ધાર એમપી વાળાની ધરપકડ કરેલ છે અને તેની પાસેથી કલમસિંગ ઉર્ફે ભાયા કેલસિંહ અલાવા, કેરૂભાઇ કેશભાઇ સિંગર અને હેમતભાઇ રહે, ત્રણયે તાલુકો કુકસી ટાંડા પોલીસ સ્ટેશન જિલ્લો ધાર મધ્યપ્રદેશ વળાના નામ સામે આવેલ છે તેને પકડવા માટેની તજવીજ શરૂ કરી છે.