મોરબી નજીકથી દેશી બનાવટના એક તમંચા સાથે એક શખ્સ પકડાયો

મોરબી વાંકાનેર નેશનલ હાઈવે રોડ ઉપર આવેલ શક્તિ ચેમ્બરથી ઉમિયાનગર તરફ જવાના રસ્તે અક્ષર કોમ્પલેક્ષ પાસેથી પસાર થયેલા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટનો એક તમંચો મળી આવ્યો હતો જેથી પોલીસે હાલમાં 2,000 ની કિંમતનું હથિયાર કબજે કરીને આરોપીની ધરપકડ કરી હતી અને ગુનો નોંધીને આગળની કાર્યવાહી હાથ ધરી છે

મોરબી જિલ્લા એલસીબીની ટીમ પેટ્રોલિંગમાં હતી ત્યારે ચંદુભાઈ કણોતરા, દશરથસિંહ પરમાર અને ભગીરસિંહ ઝાલાને મળેલી બાતમી આધારે મોરબી વાંકાનેર હાઇવે રોડ ઉપર આવેલ શક્તિ ચેમ્બરથી ઉમિયાનગર તરફ જવાના રસ્તા ઉપર આવેલા અક્ષર કોમ્પલેક્ષ પાસેથી પસાર થયેલ શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દેશી બનાવટનો એક તમંચો મળી આવ્યો હતો જેથી પોલીસે 2,000 ની કિંમતનું હથિયાર કબજે કર્યું હતું અને આરોપી ભાવેશભાઈ નીરુભાઈ જાદવ (33) રહે. લાલપર મોરબી મૂળ રહે. ધાંગધ્રા વાળાની ધરપકડ કરેલ છે અને તેની સામે બી ડિવિઝન પોલીસ સ્ટેશન ખાતે આર્મ્સ એક્ટ મુજબ ગુનો નોંધીને પોલીસે આગળની કાર્યવાહી હાથ ધરી છે.