મોરબીની મહિલાએ લક્ઝરી ક્લબમાં એક લાખ ભર્યા છતાં સેવામાં ખામી હોય વ્યાજ સહિત પૈસા ચૂકવવા અદાલતે કર્યો આદેશ, શુક્રવારે રાતે આયુર્વેદ અનુસાર દિનચર્યા ઉપર વક્તવ્ય મોરબીના બરવાળા નજીક રિક્ષા અને ડબલ સવારી વચ્ચે સર્જાયેલ અકસ્માતના બનાવમાં ખેવારીયા ગામના 2 અશસ્પદ યુવાનોના મોત મોરબી મહાપાલિકામાં વહીવટદારના શાસનમાં નજૂર થયેલ બે ગાર્ડન રદ્દ, મણિમંદિર પાસે ડેવલોપમેન્ટની ડિઝાઇન ચેન્જ કચ્છના કટારિયા ખાતે મોરબીના રાજા વિશાલસિંહના અધ્યક્ષ સ્થાને સ્નેહમિલનનો કાર્યક્રમ યોજાયો હૃદયના ધબકારા સાથે જ્યાં ધબકે છે બાળકોનું ખિલખિલાટ: મોરબી સિવિલ હોસ્પિટલનું SNCU બન્યું નવજાત શિશુઓના સુરક્ષિત ભવિષ્યની સંજીવની મોરબી જિલ્લામાં વિશ્વ AMR જાગૃતિ સપ્તાહનો પ્રારંભ: જનજાગૃતિ માટે ૨૪ નવેમ્બર સુધી વિશેષ અભિયાન મોરબીમાં કલેક્ટર કચેરીમાં યોજાયેલ ટાઈપિંગ સ્પર્ધામાં કલેક્ટરે પણભાગ લીધો  વેરાન વીડી બની લીલીછમ: મોરબીના કાલીકાનગર પાસે વીડીમાં ઘાસચારાની વિપુલ તકો
Breaking news
Morbi Today

હળવદ પીજીવીસીએલ દ્વારા સુરક્ષા જ જિંદગી ના મંત્ર સાથે સેમિનાર યોજાયો


SHARE







































હળવદ પીજીવીસીએલ દ્વારા સુરક્ષા જ જિંદગી ના મંત્ર સાથે સેમિનાર યોજાયો

વીજળી એ જેટલી સુવિધાજનક છે, તેટલી જ જોખમી પણ સાબિત થઈ શકે છે. આ બાબતને ધ્યાનમાં રાખીને પીજીવીસીએલ (PGVCL) હળવદ વિભાગીય કચેરી દ્વારા એક અત્યંત પ્રભાવશાળી 'સેફ્ટી અને ઉર્જા સંરક્ષણ' સેમિનારનું આયોજન કરવામાં આવ્યું હતું. આ કાર્યક્રમમાં સુરક્ષાના પાસાઓને માત્ર વાતોથી નહીં, પણ દ્રશ્ય-શ્રાવ્ય માધ્યમથી ઊંડાણપૂર્વક સમજાવવામાં આવ્યા હતા.

આ સેમિનારનું મુખ્ય આકર્ષણ સુરક્ષા પર આધારિત એક વિશેષ મૂવી (ફિલ્મ) હતું. આ મૂવીમાં વીજ અકસ્માતની ગંભીર અસરો અને એક નાનકડી ભૂલ કેવી રીતે આખા પરિવારને મુશ્કેલીમાં મૂકી શકે છે, તેનું હૃદયસ્પર્શી નિરૂપણ કરવામાં આવ્યું હતું. મૂવી નિહાળ્યા બાદ ઉપસ્થિત કર્મચારીઓ, કોન્ટ્રાકટર મિત્રો અને તેમના પરિવારના સભ્યો સુરક્ષાના નિયમો પાળવા અંગે ભાવુક અને જાગૃત બન્યા હતા.

આ કાર્યક્રમના અધ્યક્ષ અધિક્ષક ઇજનેર ઘાડીયા અને અતિથિ વિશેષ કાર્યપાલક ઇજનેર ચૌહાણ દ્વારા સુરક્ષાના મુદ્દાઓ ઉપર ભાર મૂકવામાં આવ્યો હતો જેમાં ખાસ કરીને PPE કીટનો અનિવાર્ય ઉપયોગ કરવો જેમાં હેલ્મેટ, સેફ્ટી બેલ્ટ અને ગ્લવ્ઝ વગર લાઈન પર કામ ન કરવું, કામ શરૂ કરતા પહેલા લાઈન ક્લિયરન્સ (LC) લેવાની પદ્ધતિનું ચુસ્ત પાલન, કર્મચારી જ્યારે ઘરેથી કામ પર નીકળે ત્યારે પરિવારના સભ્યોએ તેમને સુરક્ષાના સાધનો સાથે જવાની યાદ અપાવવી વિગેરે જેવી ટકોર કરી હતી.

આ કાર્યક્રમની શરૂઆતમાં એમ.આર. વસાવા દ્વારા સ્વાગત પ્રવચન કરવામાં આવ્યું હતું, જ્યારે જે.એલ. બરંડા દ્વારા ઉપસ્થિત સૌને ફરજ દરમિયાન સુરક્ષાના માપદંડોને પ્રથમ પ્રાધાન્ય આપવા માટેની 'સેફ્ટી પ્રતિજ્ઞા' લેવડાવવામાં આવી હતી. અને વક્તા તરીકે એમ.એમ. ચૌધરી, કે.પી. પટેલ, પી.ડી. પટેલ, હુંબલ અને બરંડાએ ટેકનિકલ સેફ્ટી અને ઉર્જા બચત વિશે ઊંડાણપૂર્વક સમજ આપી હતી.

મોરબી વર્તુળ કચેરી અને હળવદ વિભાગીય કચેરીના અધિકારીઓ, મોટી સંખ્યામાં કર્મચારીઓ, લાઈન સ્ટાફ, કોન્ટ્રાકટરો અને ખાસ કરીને પરિવારના સભ્યો હાજર રહ્યા હતા. આ સમગ્ર કાર્યક્રમનું પ્રભાવી સંચાલન પ્રતિક પાઠક દ્વારા કરવામાં આવ્યું હતું. આ સેમિનાર દ્વારા એ સંદેશ આપવામાં આવ્યો હતો કે, "તમારી સુરક્ષા એ જ તમારા પરિવારની ખુશી છે." પીજીવીસીએલના આ પ્રયાસને કર્મચારીઓ અને શહેરીજનોએ બિરદાવ્યો હતો.
















Latest News