મોરબીના મકનસર પાસે બાઇક ચાલકે હડફેટે લેતા રોડ ક્રોસ કરી રહેલા યુવાનને માથામાં હેમરેજ
Morbi Today
મોરબીના ચકમપર ગામે વાડીએ ઝેરી દવા પી ગયેલ યુવાન સારવારમાં
SHARE
JOIN OUR GROUP
મોરબીના ચકમપર ગામે વાડીએ ઝેરી દવા પી ગયેલ યુવાન સારવારમાં
મોરબીના ચકમપર ગામે વાડી વિસ્તારમાં રહેતા અને મજૂરી કામ કરતા યુવાને કોઈ કારણોસર ઝેરી દવા પી લીધી હતી જેથી તેને પ્રથમ સારવાર માટે જેતપર સામૂહિક આરોગ્ય કેન્દ્ર ખાતે લઈ ગયા હતા અને ત્યાંથી વધુ સારવાર માટે મોરબીની સરકારી હોસ્પિટલ ખાતે લઈને આવ્યા છે ત્યાં તેને સારવાર આપીને આ બનાવની પોલીસને જાણ કરવામાં આવી છે
જાણવા મળતી માહિતી પ્રમાણે મોરબી તાલુકાના ચકમપર ગામે વાડી વિસ્તારમાં રહેતા અને મજૂરી કામ કરતા જયેશ મંગાભાઈ નાયક (30) નામના યુવાને કોઈ કારણોસર ઝેરી દવા પી લીધી હતી જેથી તેને તાત્કાલિક સારવાર માટે જેતપર ગામે આવેલ સામૂહિક આરોગ્ય કેન્દ્ર ખાતે લઈ ગયા હતા અને ત્યાં તેને પ્રાથમિક સારવાર આપીને વધુ સારવાર માટે મોરબીની સરકારી હોસ્પિટલ ખાતે લઈને આવ્યા છે અને આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ વી.એન.મિયાત્રા દ્વારા કરવામાં આવી હતી અને યુવાને ક્યા કારણોસર આ પગલું ભર્યું છે તે દિશામાં તપાસ ચાલી રહી છે.
મારા મારીમાં ઇજા
મોરબીના અમરેલી ગામ પાસે આવેલ બોખાની વાડી વિસ્તારમાં રહેતા પ્રદીપ કિશોરભાઈ નકુમ (19) નામના યુવાનને ખેતલા આપા ટી સ્ટોલ પાસે મારામારીના બનાવમાં ઈજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યા તેને સારવાર આપ્યા બાદ આ બનાવની પોલીસને જાણ કરવામાં આવી હતી
અકસ્માતમાં ઇજા
મોરબીના હળવદ રોડ ઉપર આવેલ ઉંચી માંડલ ગામ પાસે લેવીસ ગ્રેનાઈટો કારખાના લેબર કવાર્ટરમાં રહેતા અને મજૂરી કામ કરતા મોહનભાઈ રામદયાલભાઈ (27) નામનો યુવાન પગ લપસી જવાના કારણે ઊંચાઈ ઉપરથી નીચે પટકાતા બેભાન થઈ ગયો હતો જેથી તેને બેભાન હાલતમાં સારવાર માટે હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી
ઇલેક્ટ્રીક શોટ લાગ્યો
ભચાઉ તાલુકાના કટારીયા ખાતે શબ્બીર જાનમામદ રાઉમા (29) નામના યુવાનને કામ દરમિયાન પાણીના ટાંકા પાસે ઇલેક્ટ્રીક શોટ લાગ્યો હતો જેથી કરીને તેને તાત્કાલિક સારવાર માટે મોરબીની આયુષ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી
