મોરબી નજીક કારખાનામાં કામ દરમ્યાન ચક્કર આવતા પડી જવાથી યુવાનનું મોત

મોરબી નજીકના લક્ષ્મીનગર ગામ પાસે આવેલ કારખાનામાં કામ કરતા સમયે ચક્કર આવતા પડી જવાના કારણે યુવાનનું મોત નીપજ્યું હતું ત્યારબાદ તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવ અંગેની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી નજીકના લક્ષ્મીનગર ગામ પાસે આવેલ કાવેરી ઇન્ડસ્ટ્રીઝમાં રહેતા અને કામ કરતા બબલુ બલનસિંહ ચૌધરી (32) નામનો યુવાન કામ કરતો હતો દરમિયાન તેને ચક્કર આવતા તે પડી ગયો હતો અને પડી જવાના કારણે તે યુવાનનું મોત નીપજ્યું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

ફિનાઇલ પી લેતા સારવારમાં

મોરબીના નવલખી રોડ ઉપર આવેલ સેન્ટ મેરી સ્કૂલ પાછળ રહેતા રવિ દેવદાનભાઈ ડાંગર (34) નામના યુવાને પંચાસર ચોકડી નજીક ફિનાઇલ પી લેતા તેને તાત્કાલિક સારવાર માટે લઈને આવ્યા હતા ત્યાં તેને સારવાર આપીને આ બનાવની પોલીસને જાણ કરવામાં આવી હતી જેથી પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

ફિનાઇલ પી લેતા સારવારમાં

મોરબીના નાની વાવડી ગામ નજીક કબીર આશ્રમ પાસે રહેતા ધનસુખ હિંમતભાઈ (40) નામના યુવાને મોરબીમાં ઉમિયા સર્કલ પાસે આવેલ બર્ગર ભાઉની બાજુમાં ફિનાઈલ પી લેતા તેને તાત્કાલિક સારવાર માટે હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.