મોરબી નજીક બાઇકને હડફેટે લઈને તરુણનું મોત નીપજવનાર કાર ચાલક સામે ગુનો નોંધાયો
SHARE
JOIN OUR GROUP
મોરબી નજીક બાઇકને હડફેટે લઈને તરુણનું મોત નીપજવનાર કાર ચાલક સામે ગુનો નોંધાયો
મોરબીના નવલખી રોડ ઉપર આવેલ પીપળીયા ચાર રસ્તા પાસેથી તરુણ બાઇક લઈને પસાર થઈ રહ્યો હતો દરમિયાન તેના બાઇકને કાર ચાલકે હડફેટે લઈને અકસ્માતો કર્યો હતો જે બનાવમાં ઇજા પામેલા તરુણને માથા, છાતી અને શરીરે ગંભીર ઇજા થયેલ હતી જેથી તે યુવાનનું મોત નીપજયું હતું અને આ બનાવ સંદર્ભે મૃતક તરુણના પિતાએ ફરિયાદ નોંધાવતા પોલીસે કારચાલક સામે ગુનો નોધી આરોપીને પકડવા માટે તજવીજ શરૂ કરેલ છે
જાણવા મળતી માહિતી પ્રમાણે મોરબીના વીસીપરામા આવેલ સીડફાર્મની બાજુમાં રહેતા ફારુકભાઈ ઇસ્માઈલભાઈ સામતાણી (40) એ મોરબી તાલુકા પોલીસ સ્ટેશન ખાતે આઈ 20 કાર નંબર જીજે 1 કેક્યુ 2017 ના ચાલક સામે ફરિયાદ નોંધાવી છે જેમાં જણાવ્યુ છે કે, મોરબીના નવલખી રોડ ઉપર આવેલ પીપળીયા ચાર રસ્તા પાસે જીઇબીના સ્ટેશનની સામેથી ફરિયાદીનો 17 વર્ષનો દીકરો ઈરફાન ફારૂકભાઈ સામતાણી બાઈક નંબર જીજે 12 એએચ 4842 લઈને પસાર થઈ રહ્યો હતો ત્યારે કાર ચાલકે તેના બાઇકને હડફેટે લીધું હતું. અને અકસ્માત કર્યો હતો જે બનાવમાં ફરિયાદીના દીકરા ઈરફાનને માથા, છાતી અને શરીરે ગંભીર ઇજા થઈ હતી જેથી તેનું મોત નીપજયું હતું આ બનાવ સંદર્ભે હાલમાં મૃતક યુવાનના પિતાએ નોંધાયેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
