છત્રપતિ શાહુજી મહારાજ પ્રોત્સાહક ઇનામ યોજના: મોરબી જિલ્લાના ૯ તેજસ્વી તારલાઓને ૧.૦૫ લાખની આર્થિક સહાય અપાઈ મોરબી ખાતે આઈ.ટી.આઈ.નો પાંચમો કૌશલ દીક્ષાંત સમારોહ યોજાયો મોરબી જિલ્લાના ગ્રામ્ય વિસ્તારમાં વિશ્વ શૌચાલય દિવસની ઉજવણી મોરબી શહેર, તાલુકા અને વાંકાનેર તાલુકામાં અપમૃત્યુના 3 બનાવમાં 3 યુવાનોના મોત હળવદના કોયબા ગામે થ્રેસરનું સેટિંગ કરતા માથું ટ્રેક્ટરની પેટી-ટોપલીગ વચ્ચે ફસાઈ જતા યુવાનનું મોત વાંકાનેરના ભલગામ પાસે ડમ્પર ચાલકે બે કારને હડફેટે લેતા બંને વાહનોમાં મોટું નુકશાન: આરોપી ફરાર પ્રવચન નહીં, પ્રયોગ દ્વારા જીવનમાં પરિવર્તન લાવવાનો અનોખો પ્રયાસ: મોરબીમાં નવા દૃષ્ટિકોણ વાળી શિબિરનો લાભ લેતા ઉદ્યોગકારો સહિત હજારો નગરજનો મોરબી નજીક સિરામિક કારખાનામાંથી કેબલ વાયરની ચોરી કરવાના ગુનામાં 4 શાખાની 4.07 લાખના મુદામાલ સાથે ધરપકડ
Breaking news
Morbi Today

ટંકારાના વાઘગઢ પાસે વાડીના શેઢે તળાવમાં ડૂબી જવાથી ત્રણ વર્ષની બાળકીનું મોત


SHARE







































ટંકારાના વાઘગઢ પાસે વાડીના શેઢે તળાવમાં ડૂબી જવાથી ત્રણ વર્ષની બાળકીનું મોત

ટંકારાના વાઘગઢ ગામે ખેતીની જમીન ભાગમાં વાવવા માટે રાખનાર શ્રમિકની ત્રણ વર્ષની દીકરી વાડી પાસે આવેલ તળાવમાં રમતા રમતા પડી ગયેલ હતી અને પાણીમાં ડૂબી ગઈ હતી જેથી કરીને તેને બેભાન હાલતમાં ટંકારાની સરકારી હોસ્પિટલ ખાતે લાવ્યા હતા અને ત્યાં ફરજ પરના ડોક્ટર તેને મૃત જાહેર કરી હતી અને આ બનાવની પોલીસને જાણ કરવામાં આવતા પોલીસે આગળની કાર્યવાહી હાથ ધરી હતી.

બનાવની જાણવા મળતી માહિતી પ્રમાણે મૂળ છોટા ઉદેપુરના રહેવાસી અને હાલ ટંકારા તાલુકાના વાઘગઢ ગામે હસમુખભાઈ બારૈયાની વાડીએ રહેતા અને મજૂરી કામ કરતા ચંદુભાઈ ભોદરભાઈ ધાણુકની ત્રણ વર્ષની દીકરી રેખા ધાણુક વાડીના સેઢા પાસે રમતી હતી અને ત્યારે ત્યાં રમતા રમતા તળાવમાં પડી જવાથી પાણીમાં ડૂબી ગઈ હતી અને તે બાળકી બેભાન થઈ જતાં તેને તાત્કાલિક બેભાન હાલતમાં સારવાર માટે ટંકારાની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કરી હતી અને આ બનાવની હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.

બાઇક સ્લીપ

ટંકારાના હડમતીયા ગામે રહેતા અનસોયાબેન જાદવજીભાઈ સીનોજીયા (73) નામના વૃદ્ધા ગામમાંથી બાઈકમાં પાછળ બેસીને પસાર થઈ રહ્યા હતા દરમિયાન બાઇક સ્લીપ થવાના કારણે અકસ્માત થયો હતો જે બનાવમાં વૃદ્ધાને ઈજા થતાં તેને સારવાર માટે મોરબીની ઓમ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે

મહિલા સારવારમાં

રાજકોટમાં ગ્રીનલેન્ડ ચોકડી પાસે રહેતા સોનલબેન રમેશભાઈ (39) નામના મહિલા કુવાડવા અને કુચીયાદડ વચ્ચેથી કારમાં બેસીને પસાર થઈ રહ્યા હતા ત્યારે કાર પલટી મારી ગઈ હતી અને અકસ્માતનો બનાવ બન્યો હતો જે બનાવમાં ઇજા પામેલ મહિલાને મોરબીની ખાનગી હોસ્પિટલમાં સારવાર માટે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે.














Latest News