મોરબીના ચકમપર ગામે વાડીએ ઝેરી દવા પી ગયેલ યુવાનનું સારવારમાં મોત

મોરબીના ચકમપર ગામમાં આવેલ વાડીએ રહેતા અને મજૂરી કામ કરતા યુવાને કોઈપણ કારણોસર ઝેરી દવા પી લેતા તેને તાત્કાલિક સારવાર માટે હોસ્પિટલે લઇ ગયા હતા અને જેતપર થી મોરબી સિવિલ હોસ્પિટલ ખાતે તેને 108 મારફતે સારવાર માટે લઈ રહ્યા હતા ત્યારે રસ્તામાં તે યુવાનનું મોત નિપજ્યું હતું જેથી આ બનાવની હોસ્પિટલ મારફતે મોરબી તાલુકા પોલીસને જાણ કરતાં પોલીસે બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી મુજબ મોરબી તાલુકાના ચકમપર ગામે મિલનભાઈની વાડીએ રહેતા અને મજૂરી કામ કરતા સુનિલભાઈ લાલુભાઈ નાયક (18) નામના યુવાને કોઈપણ કારણસર પોતે પોતાની જાતે ઝેરી દવા પી લીધી હતી જેથી તેને સારવાર માટે જેતપર ગામે આવેલ સામૂહિક આરોગ્ય કેન્દ્ર ખાતે લઈને આવ્યા હતા અને ત્યાં તેને પ્રાથમિક સારવાર આપ્યા બાદ વધુ સારવાર માટે મોરબીની સરકારી હોસ્પિટલ ખાતે 108 મારફતે લઈને આવતા હતા દરમિયાન રસ્તામાં યુવાનનું મોત નીપજયું હતું જેથી આ બનાવની સરકારી હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે આપઘાતના બનાવની નોંધ કરી આગળની કાર્યવાહી હાથ ધરી છે અન યુવાને કયા કારણોસર આ પગલું ભર્યું હતું તે દિશામાં આગળની તપાસ એન.જે. ખડિયા ચલાવી રહ્યા છે