ટંકારા તાલુકાના ભૂતકોટડા ગામે સરપંચ માટે ઉમેદવાર ન મળ્યો ? હવે સભ્યો માટે મતદાન થશે
SHARE
JOIN OUR GROUP
ટંકારા તાલુકાના ભૂતકોટડા ગામે સરપંચ માટે ઉમેદવાર ન મળ્યો ? હવે સભ્યો માટે મતદાન થશે
એક ગામમાં સમરસ માટેની મિટિંગમાં સર્વાનુમતે સરપંચ પદ માટે ઉમેદવાર નકકી કરીને જાહેર કરવામાં આવે તે પહેલાં એક જુથે રાતોરાત પેનલ ઉતારી દેતા દેકારો બોલી ગયો હતો. ટંકારા તાલુકાના ૪૨ ગામડામાં પંચાયત ચૂંટણીમાં ૧૦ સંપુર્ણ અને ૧૦ અંશત: મળી કુલ ૨૦ ગામડા સમરસ જાહેર હવે ૨૨ ગામડામાં ચુંટણી જંગ જામશે.
ગ્રામ પંચાયતની ચૂંટણીમાં ટંકારા તાલુકાના ૪૨ ગામ પંચાયતમાથી સરપંચ માટે ૯૮ ઉમેદવારો નોંધાયા હતા જેમાં ચકાસણી વખતે ૧ ફોર્મ રદ થયું હતું અને ૩૧ ઉમેદવારે ગઈ કાલે સરપંચ બનવાનુ માંડીવાળીને ફોમ પરત ખેંચી લીધી હતી..! તો ૨૦ ગામોના સરપંચ અને સભ્યો સામે એક પણ ફોર્મ નહી આવતા તે ગામડા સમરસ જાહેર થયા હતા.હવે બાકી રહેલ ૨૨ ગ્રામ પંચાયતના સરપંચ માટે ૪૬ મુરતિયા મેદાનમાં છે અને સભ્યો માટે ૨૪૮ હરીફો ચુંટણી લડી રહ્યાં છે.આજે નિશાન ફાળવણી થશે અને મતદારોને રીઝવવા પ્રચાર બનશે વેગવંતો થશે.
છેલ્લે મળતી માહિતી મુજબ ટંકારા તાલુકાના હમીરપર, સખપર, જોધપર ઝાલા, ખાખરા, નેસડા સુરજી, મબેન્દ્રપુર, મેઘપર, વાઘગઢ, મોટા ખીજડીયા અને રાજાવડલા સહિત ૧૦ પંચાયતો હાલ સંપૂર્ણ બિનહરીફ થયેલ છે. જ્યારે અન્ય પંચાયતો અંશત: બીન હરીફ થયેલ છે તેમા જોઈએ તો કલ્યાણ, હડમતીયા, દેવળીયા, ધ્રોલીયા, વીરવાવ, વાછકપર, ઉમિયાનગર, નેસડા ખાનપર, ઘુનડા ખાનપર અને લખધીરગઢ પંચાયતો અંસત: સમરસ જાહેર થઇ છે.
