મોરબીના લુંટાવદર નજીક બાઈકને બુલેટ ચાલકે હડફેટે લેતા ઇજાગ્રત વૃદ્ધને રાજકોટ ખસેડાયા
SHARE
JOIN OUR GROUP
મોરબીના લુંટાવદર નજીક બાઈકને બુલેટ ચાલકે હડફેટે લેતા ઇજાગ્રત વૃદ્ધને રાજકોટ ખસેડાયા
મોરબીના નવલખી રોડ ઉપર આવેલા લુંટાવદર ગામ નજીક બાઈકની પાછળ બેસીને જતા વૃદ્ધના બાઇકને અજાણ્યા બુલેટના ચાલકે હડફેટે લેતા ઘવાયેલા વૃદ્ધને મોરબી બાદ વધુ સારવાર માટે રાજકોટ લઇ જવાયા હોવાનું જાણવા મળેલ છે.
મોરબી તાલુકા પોલીસ સૂત્રોમાંથી મળતી માહિતી મુજબ નવલખી હાઇવે ઉપરના લુંટાવદર ગામે કરશનભાઈ નટુભાઈ ભટ્ટી નામના ૬૫ વર્ષીય વૃદ્ધ બાઈકના પાછળના ભાગે બેસીને જતા હતા ત્યારે ગામના પાટિયા પાસે તેઓના બાઇકને બુલેટ ચાલકે પાછળથી હડફેટે લેતા સર્જાયેલા વાહન અકસ્માતના બનાવમાં ઘવાયેલા કરશનભાઈને અહીં સિવિલ હોસ્પિટલે સારવાર માટે લાવવામાં આવ્યા હતા જયાં તેઓને રાબેતા મુજબ પ્રાથમિક સારવાર આપીને વધુ સારવાર માટે રાજકોટ ખસેડાયા છે.જ્યારે મોરબી તાલુકાના ઝીકીયારી ગામના રહેવાસી વિશાલભાઇ અદગામા (૨૩) બાઇકમાં જતો હતો ત્યારે બાઇક સ્લીપ થઈ જવાના બનાવમાં ઇજાઓ થવાથી તેને અહીંની મધુરમ હોસ્પિટલે સારવાર માટે લાવવામાં આવ્યો હતો.
મજુર સારવારમાં
મોરબીના લખધીરપુર રોડ ઉપર આવેલા સિરામિક યુનિટમાં મશીન ઉપર કામ કરતા સમયે જમણો હાથ મશીનમાં આવી જવાથી જોગીભાઈ મેઠુભાઈ મેલા નામના ૧૯ વર્ષીય યુવાનને ઇજાઓ થવાથી તેને અહીંની ક્રિષ્ના હોસ્પિટલ ખાતે સારવાર માટે લઇ જવામાં આવ્યો હતો.
