સરકારે પ્રત્યુતર ન આપતા કર્યો ખેડૂતોએ હુંકાર: મોરબીના જેતપર ગામે 10 જાન્યુઆરી 2027ના રોજ યોજાશે કિસાન અધિકાર મહાપંચાયત  છત્રપતિ શાહુજી મહારાજ પ્રોત્સાહક ઇનામ યોજના: મોરબી જિલ્લાના ૯ તેજસ્વી તારલાઓને ૧.૦૫ લાખની આર્થિક સહાય અપાઈ મોરબી ખાતે આઈ.ટી.આઈ.નો પાંચમો કૌશલ દીક્ષાંત સમારોહ યોજાયો મોરબી જિલ્લાના ગ્રામ્ય વિસ્તારમાં વિશ્વ શૌચાલય દિવસની ઉજવણી મોરબી શહેર, તાલુકા અને વાંકાનેર તાલુકામાં અપમૃત્યુના 3 બનાવમાં 3 યુવાનોના મોત હળવદના કોયબા ગામે થ્રેસરનું સેટિંગ કરતા માથું ટ્રેક્ટરની પેટી-ટોપલીગ વચ્ચે ફસાઈ જતા યુવાનનું મોત વાંકાનેરના ભલગામ પાસે ડમ્પર ચાલકે બે કારને હડફેટે લેતા બંને વાહનોમાં મોટું નુકશાન: આરોપી ફરાર પ્રવચન નહીં, પ્રયોગ દ્વારા જીવનમાં પરિવર્તન લાવવાનો અનોખો પ્રયાસ: મોરબીમાં નવા દૃષ્ટિકોણ વાળી શિબિરનો લાભ લેતા ઉદ્યોગકારો સહિત હજારો નગરજનો
Breaking news
Morbi Today

મોરબીમાં અડધો-વાંકાનેરમાં સવા ઇંચ વરસાદ, મેળાના રંગમાં ભંગ પાડતા મેઘરાજા, આજ સવારથી જીલ્લામાં વરસાદી માહોલ


SHARE







































શ્રાવણ મહિનાની સાતમના દિવસે મોરબી શહેર અને જિલ્લા વિસ્તારમાં ગરમી અને બફારો હોવાથી લોકો આતુરતાથી મેઘરાજા મહેર કરે તેવી રાહ જોઈ રહ્યા હતા તેવામાં રાત્રીના 11:00 વાગ્યાના અરસામાં મોરબી જિલ્લાનો પાંચ પૈકીના ત્રણ તાલુકામાં મેઘમહેર થઈ હતી અને વાંકાનેરમાં સવા તેમજ મોરબી તાલુકામાં અડધો ઇંચ જેટલો વરસાદ નોંધાયો હતો અને આજે સવારથી જીલ્લાના પાંચેય તાલુકામાં વરસાદી માહોલ જોવા મળી રહ્યો છે

રાજયના હવામાન વિભાગ દ્વારા વરસાદની આગાહી કરવામાં આવી રહી છે તેવામાં મોરબીની વાત કરીએ તો શુક્રવારે આખો દિવસ ગરમી અને બફારો હતો જેથી કરીને વરસાદની લોકો આતુરતાથી મેઘમહેરની રાહ જોઈ રહ્યા હતા તેવામાં રાત્રિના 11:00 વાગ્યાના અરસામાં મેઘમહેર થઈ હતી અને વીજળીના કડાકા ભડાકા સાથે મોરબી અને વાંકાનેર શહેરી વિસ્તાર તથા તાલુકામાં વરસાદ શરૂ થયો હતો હાલમાં મોરબી જિલ્લાના કંટ્રોલરૂમમાંથી મળેલ માહિતી મુજબ છેલ્લી 24 કલાકમાં વાંકાનેર તાલુકામાં 32 એમએમ અને મોરબી તાલુકામાં 11 એમએમ વરસાદ નોંધાયો છે જોકે હળવદ, વાંકાનેર અને ટંકારામાં નહિવત વરસાદ હતો ઉલ્લેખનીય છે કે શ્રાવણ મહિના દરમિયાન સાતમ આઠમમાં લોકમેળા યોજાતા હોય છે તેવી જ રીતે મોરબીમાં ખાનગી મેળાના આયોજન કરવામાં આવ્યા છે અને લોકો મેળાની મજા માણવા માટે ગયા હતા ત્યારે વરસાદ વીજળીના કડાકા ભડાકા સાથે શરૂ થતા થોડી જ વારમાં મેળાનું મેદાન ખાલી થઈ ગયું હતું અને મેળાની મજા માણવા માટે ગયેલા લોકોના રંગમાં ભંગ પડ્યો હોય તેવો ઘાટ જોવા મળ્યો હતો. જોકે, આજે સવારથી મોરબી જિલ્લાના પાંચેય તાલુકામાં વરસાદી માહોલ જોવા મળી રહ્યો હોય જગતના નાથના જન્મદિવસ એટલે કે જન્માષ્ટમીના પર્વ ઉપર મેઘરાજા મોરબી જિલ્લામાં મન મૂકીને વરસે તેવું હાલમાં દેખાઈ રહ્યું છે.














Latest News