મોરબી 602 જમીન કૌભાંડમાં પકડાયેલ મહિલા સહિતના બે આરોપી રિમાન્ડ પૂરા થતાં જેલ હવાલે

મોરબીના ચકચારી 602 જમીન કૌભાંડમાં મહિલા સહિત બે આરોપીને પકડવામાં આવ્યા હતા અને તે બંને આરોપી રિમાન્ડ ઉપર હતા જેના રિમાન્ડ પૂરા થતાં બંને આરોપીને સીઆઇડીની ટીમે મોરબીની કોર્ટમાં રજૂ કર્યા હતા અને બંને આરોપીને હાલમાં મોરબીની જેલ હવાલે કરવામાં આવેલ છે. અને આ ગુનામાં હજુ મુખ્ય સૂત્રધાર સહિતના બાકીના આરોપીઓને પકડવા માટે તજવીજ ચાલી રહી છે.

મોરબીના ચકચારી 602 જમીન કૌભાંડની ગત માર્ચ માહિનામાં મોરબી એ ડિવિઝન પોલીસ સ્ટેશનમાં ફરિયાદ નોંધાયેલ હતી જે ગુનાની તપસ સીઆઇડી ક્રાઇમને સોંપવામાં આવી છે જેથી કરીને ડીવાયએસપી આર.એસ. પટેલ અને તેની ટીમે આ ગુનામાં આરોપી હેતલબેન ભોરણિયા અને ભરતભાઇ દેગામાની ધરપકડ કરી હતી અને બંને આરોપીને કોર્ટમાં રજૂ કરીને તેના પાંચ દિવસના રિમાન્ડ મેળવ્યા હતા જે રિમાન્ડ તા. 8 ના રોજ પૂરા થયા હતા જેથી કરીને બંને આરોપીને કોર્ટમાં રજૂ કરીને મોરબીની સબ જેલ હવાલે કરવામાં આવેલ છે અને આ ગુનામાં જે આરોપીઓને પકડવાના બાકી છે તે આરોપીઓને પકડવા માટેની તજવીજ ચાલી રહી છે.