મોરબીમાં સ્વ.મધુવન ભગવાનજીભાઈ મકવાણાના સ્મરણાર્થે સ્કૂલ કીટનું વિતરણ: મોટીબરારની પ્રાથમિક અને માધ્યમિક શાળામાં પ્રવેશોત્સવ યોજાયો
SHARE
JOIN OUR GROUP
મોરબીમાં સ્વ.મધુવન ભગવાનજીભાઈ મકવાણાના સ્મરણાર્થે સ્કૂલ કીટનું વિતરણ: મોટીબરારની પ્રાથમિક અને માધ્યમિક શાળામાં પ્રવેશોત્સવ યોજાયો
મોરબીની જવાહર સોસાયટીમાં રહેતા મકવાણા પરિવાર દ્વારા સ્વર્ગસ્થના સ્મરણાર્થે સ્કૂલના બાળકોને સ્કૂલ કીટનું વિતરણ કરવામાં આવ્યું હતું. સ્વર્ગસ્થ ના પત્નિના હસ્તે ભળિયાદ ગામે સરકારી સ્કૂલના બાળકોને સ્કૂલ બેગ, પાણીની બોટલ સહિતની કીટ આપવામાં આવી હતી.
મોટીબરારની પ્રાથમિક અને માધ્યમિક શાળામાં પ્રવેશોત્સવ યોજાયો
માળિયા તાલુકાના મોટીબરાર ગામની રત્નમણિ પ્રાથમિક શાળા અને મોડેલ સ્કૂલના સંયુક્ત ઉપક્રમે શાળા પ્રવેશોત્સવ અને કન્યા કેળવણી મહોત્સવનું આયોજન મોડેલ સ્કૂલ મોટીબરાર ખાતે કરવામાં આવ્યું હતું. આ કાર્યક્રમમાં આંગણવાડી, બાલવાટિકા તેમજ ધો.૯ અને ૧૧ ના વિદ્યાર્થીઓને શૈક્ષણિક કીટ અને પુસ્તકો આપી પ્રવેશ આપવામાં આવ્યો હતો.સાથે ધો.૩ થી ૧૨ ના તેજસ્વી વિદ્યાર્થીઓ તેમજ વિવિધ સ્પર્ધાત્મક પરીક્ષાઓમાં ઉત્કૃષ્ટ પ્રદર્શન કરનાર વિદ્યાર્થીઓનું સન્માન કરવામાં આવ્યું હતું.સાથે વૃક્ષારોપણ અને વાલી મિટિંગનું પણ આયોજન કરવામાં આવ્યું હતું.આ કાર્યક્રમમાં માળિયા તાલુકાના મામલતદાર એચ. સી. પરમાર, સી.આર.સી. મુકેશભાઈ મકવાણા, મોરબી જિલ્લા આઇસીડીએસ રમેશભાઈ, માળિયા તાલુકા ભાજપ પ્રમુખ રાજેશભાઈ હુંબલ, ગામના સરપંચ, ઉપસરપંચ, ગામના આગેવાનો, એસએમસી તેમજ એસએમડીસી ના સભ્યો અને મોટી સંખ્યામાં ગ્રામજનો ઉપસ્થિત રહ્યા હતા.આ કાર્યક્રમને સફળ બનાવવા મોડેલ સ્કૂલના આચાર્ય ભરતભાઈ વિડજા, પ્રાથમિક શાળાના આચાર્ય અનિલ બદ્રકિયા તેમજ બંને શાળાના શિક્ષકોએ ભારે જહેમત ઉઠાવી હતી.
