માળીયા (મિ)ના નાના દહીસરામાં અજાણ્યા બાઇક ચાલકે હડફેટે લેતા આધેડનું મોત
SHARE
JOIN OUR GROUP
માળીયા (મિ)ના નાના દહીસરામાં અજાણ્યા બાઇક ચાલકે હડફેટે લેતા આધેડનું મોત
માળીયા મિયાણા તાલુકાના નાના દહીસરા ગામના રેલવે સ્ટેશન પાસેથી ચાલીને પસાર થતા આધેડને અજાણ્યા બાઈક ચાલકે અડફેટે લેતાં તેમને માથા, નાક અને કાનના ભાગે ગંભીર ઈજા થઈ હતી જેથી કરીને આધેડનું મોત નિપજ્યું હતું અને બાઇક ચાલક પોતાનું બાઇક લઇને નાસી છુટ્યો હતો માટે હાલમાં મૃતકના ભાઈએ માળિયા તાલુકા પોલીસ સ્ટેશન ખાતે અજાણ્યા બાઇક ચાલક સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
બનાવની જાણવા મળતી વિગતો પ્રમાણે માળીયા મિયાણાં તાલુકાના નાના દહીસરા ગામે રહેતા રતનશીભાઈ પરષોત્તમભાઇ ભટાસણા જાતે પટેલ (૬૦)એ હાલમાં અજાણ્યા બાઇક ચાલક સામે માળિયા તાલુક પોલીસ સ્ટેશન ખાતે ફરિયાદ નોંધાવી છે જેમાં તેમણે જણાવ્યું છે કે તેઓના ભાઈ રમેશભાઈ પરસોત્તમભાઈ ભટાસણા જાતે પટેલ (૫૧) નાના દહીસરા ગામે રેલ્વે સ્ટેશન પાસેથી ચાલીને જતાં હતા ત્યારે ગત તા. ૨૮/૧૧ ના બપોરે ત્રણેક વાગ્યાના અરસામાં અજાણ્યા બાઇક ચાલકે તેમને હડફેટે લીધા હતા જેથી કરીને રમેશભાઈ ભટાસણાને માથા, કાન અને નાકના ભાગે ગંભીર ઈજાઓ થઈ હતી જેથી કરીને તેમનું મોત નિપજ્યું હતું અને આ અકસ્માત સર્જીને બાઇક ચાલક પોતાનું વાહન લઇને ઘટના સ્થળેથી નાસી છુટયો હતો જેથી કરીને હાલમાં રતનશીભાઈ ભટાસણાએ અજાણ્યા બાઇક ચાલક સામે માળિયા મિયાણાં તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા તજવીજ શરૂ કરી છે
