મોરબીના રાજપર રોડ ઉપર ઊંચાઈએથી પડી જતા યુવાનનું મોત
SHARE
JOIN OUR GROUP
મોરબીના રાજપર રોડ ઉપર ઊંચાઈએથી પડી જતા યુવાનનું મોત
મોરબી નજીકના રાજપર રોડ ઉપર આવેલ ઓઇલ મીલની છત ઉપરથી નીચે પડી જતા મૂળ રાજસ્થાની યુવાનનું મોત નિપજયુ હોવાનું જાણવા મળેલ છે.
મોરબી સીટી એ ડિવિઝન પોલીસ સૂત્રોમાંથી મળતી માહિતી પ્રમાણે મોરબીના રાજપર રોડ ઉપર આવેલ ધવલ ઓઇલ મીલની છત ઉપરથી તા.૫-૬ ના વહેલી સવારે ૪:૩૦ વાગ્યાના અરસામાં કોઈ કારણોસર બાજુના ખેતરમાં નીચે પડી ગયેલ ડુંગરારામ હરગણરામ મેઘવંશી મારવાડી (ઉમર ૩૨) હાલ રહે.ધવલ ઓઇલ મીલના લેબર કવાટરમાં રાજપર રોડ મોરબી મૂળ રહે.ડેડુસર તા.ચૌટન જી.બાડમેર રાજસ્થાનનું મોત નિપજયુ હતું.જેથી તેના ડેડબોડીને અત્રેની સિવિલએ પીએમ માટે લાવવામાં આવ્યું હતું.હોસ્પિટલ ખાતેથી પોલીસમાં જાણ કરવામાં આવતા એ ડિવિઝન પોલીસ મથકના બી.બી.ડાભી દ્રારા તપાસ કરવામાં આવી હતી.
વાહન અકસ્માતમાં ઇજા
મોરબીના જાંબુડીયા ગામ બાજુથી મોરબી બાજુ આવતા સમયે કુબેર ટોકીઝ પાસે બાઈક સ્લીપ થવાના અકસ્માત બનાવમાં ઉમેશભાઇ જીવણભાઈ કુંડારીયા (ઉમર ૪૮) રહે.આઠ ઓરડી વોરાબાગ પાછળ સામાકાંઠે મોરબી-૨ ને ઇજાઓ થતા અત્રે આયુષ હોસ્પિટલે સારવાર માટે લાવવામાં આવ્યો હતો.જ્યારે મોરબીના ઉમિયાનગર વિસ્તારમાં રહેતા બાબુભાઈ રાવળદેવ નામના ૨૦ વર્ષના યુવાનને લખધીરપુર રોડ અંદર દારૂના પોઇન્ટ પાસે મારામારીના બનાવમાં ઈજા તથા સિવિલે સારવાર માટે લાવવામાં આવ્યો હતો !
બાઈક-કાર અકસ્માત
સુરેન્દ્રનગરના ધાંગધ્રા તાલુકામાં આવેલા ભરાડા ગામે રહેતા ચિરાગભાઈ ઈશ્વરભાઈ ભુવા નામનો ૨૩ વર્ષનો યુવાન ભરાડા ગામેથી અમદાવાદના થલતેજ બાજુ જતો હતો.ત્યારે રસ્તામાં આવેલા શિવાલિક વિલા પાસે તેના બાઈકને અજાણી કારના ચાલકે હડફેટે લેતા હાથના ભાગે ફેક્ચર જેવી ઈજા સાથે તેને અત્રેની શિવમ હોસ્પિટલે સારવાર માટે લાવવામાં આવ્યો હતો.જ્યારે મોરબીના સામાકાંઠે એલ.ઇ. કોલેજના રસ્તે બાઈકમાં પાછળના ભાગે બેસીને ભાઈની સાથે જતા સમયે બાઈકમાંથી નીચે પડી જતા કાંતાબેન કાંતિલાલ કીડીયા (ઉંમર ૫૬) રહે.શક્તિ સોસાયટી મોરબી ને ઇજા થતા તેઓને ખાનગી હોસ્પિટલે સારવાર માટે લાવવામાં આવ્યા હતા.
