મોરબીમાં શ્રી વરીયા પ્રજાપતિ શિક્ષણ સમિતિ દ્વારા વિદ્યારત્ન અભિવાદન સમારોહનું આયોજન
Morbi Today
મોરબી: બે બળદને કતલખાને લઈ જવાના ગુનામાં વધુ એક આરોપીને પકડીને જેલ હવાલે કર્યો
SHARE
JOIN OUR GROUP
મોરબી: બે બળદને કતલખાને લઈ જવાના ગુનામાં વધુ એક આરોપીને પકડીને જેલ હવાલે કર્યો
મોરબીની રાજપર ચોકડી પાસેથી બોલેરો પિકઅપ ગાડીમાં બે બળદને બાંધીને કતલખાને લઈ જતા હતા જેની ફરિયાદ આધારે પોલીસે પહેલા એક આરોપીને પકડ્યો હતો અને તેને જેલ હવેલ કરેલ છે તેવામાં આ ગુનામાં વધુ એક આરોપીને પકડીને પોલીસે તે આરોપીને પણ કોર્ટમાં રજૂ કરીને જેલ હવાલે કરેલ છે.
મોરબીની રાજપર ચોકડી પાસેથી બોલેરો પીકઅપ ગાડી નંબર જીજે 36 વી 7251 થી પસાર થઈ રહી હતી ત્યારે તેને રોકીને ચેક કરી હતી જેમાં કુરતાપૂર્વક બાંધેલી હાલતમાં બે બળદને લઈ કતલખાને લઈ જવામાં આવતા હતા જેથી મોરબીના નવી પીપળી ગામે આવેલ મારુતિ નગરમાં રહેતા વૈભવભાઈ જીતેશભાઈ ઝાલરીયા (27)એ મોરબી એ ડિવિઝન પોલીસ સ્ટેશન ખાતે ફરિયાદ કરી હતી જેના આધારે પોલીસે પહેલા વાહન ચાલક વિજયભાઈ ધનાભાઈ બાલાસરાની ધરપકડ કરી હતી અને તેને કોર્ટમાં રજૂ કરીને જેલ હવાલે કરવામાં આવેલ છે. ત્યાર બાદ સનાળા બીટ વિસ્તારના જમાદાર વિપુલભાઈ ફૂલતરિયા દ્વારા વધુ એક આરોપી મૈસુરભાઈ ઉર્ફે મેહુર ઉર્ફે મેહુલ ભરતભાઈ કેસૂર (25) રહે. લતીપર પીઠડ વચ્ચે વાડી વિસ્તાર તાલુકો ધ્રોલ વાળાની ધરપકડ કરવામાં આવી હતી અને તેને કોર્ટ સમક્ષ રજૂ કરીને જેલ હવાલે કરવામાં આવેલ છે. આ ગુનામાં હજુ માળીયા પંથકના ઈકબાલભાઈ નામના શખ્સની શોધખોળ ચાલી રહી છે.
બાઈક સ્લીપ થઈ જતા સારવારમાં
હળવદના ખારીવાળી વિસ્તારમાં રહેતા મકનભાઈ લવજીભાઈ દલવાડી નામના ૭૩ વર્ષના વૃદ્ધ બાઈક પાછળ બેસીને જતા હતા ત્યારે ત્યાં આવેલ મહાદેવ મંદિર પાસે તેમનું બાઇક સ્લીપ થતા પડી ગયા હોય ઇજાગ્રસ્ત હાલતમાં સારવાર માટે મોરબી લાવવામાં આવ્યા હતા.જ્યારે મોરબીના કંડલા બાયપાસ દલવાડી સર્કલ પાસે ૨૫ વારીયામાં રહેતા સુમનબેન રાકેશભાઈ કોળી નામની ૩૫ વર્ષની મહિલાને તેના ઘરે સવારે પતિ દ્વારા માર મારવામાં આવતા સારવાર માટે સિવિલે લાવવામાં આવી હતી.
બે યુવાન સારવારમાં
મોરબીના સામાકાંઠે વેજીટેબલ રોડ ઉપર બે બાઈક સામસામે અથડાયા હતા.આ અકસ્માત બનાવમાં પરબતભાઈ વશરામભાઈ ઉપસરિયા (૨૪) રહે.ધરમપુર અને તુષાર કમલેશભાઈ ઇન્દરિયા (૧૮) રહે.લાભનગર મોરબી-૨ ને સિવિલે સારવાર માટે લાવવામાં આવ્યા હતા.જયારે મોરબીના સામાકાંઠે નજરબાગ રેલ્વે સ્ટેશન સામે આવેલા ક્રિકેટ ગ્રાઉન્ડ ખાતેથી બેભાન હાલતમાં ૧૦૮ વડે મૂળ ઉત્તરપ્રદેશના અને હાલ મોરબી રહેતા કોમલબેન દીપકભાઈ પાલ નામની ૨૨ વર્ષીય મહિલાને અત્રેની સિવિલ હોસ્પિટલમાં સારવાર માટે લાવવામાં આવ્યા હતા અને હોસ્પિટલ ખાતેથી જાણ કરવામાં આવતા બી ડિવિઝન પોલીસ મથકના મોમજીભાઇ ચૌહાણ દ્વારા આ બાબતે નોંધ કરીને આગળની તપાસ કરવામાં આવી હતી.
